Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मानसी अनेक दिवसांनंतर चाहत्यांसाठी खास गिफ्ट घेऊन आली आहे. मानसी एका हिंदी वेब सिनेमातून प्रेक्षकांच्या भेटीला येणार आहे. याचं एक पोस्टर नुकतंच प्रदर्शित करण्यात आलं.
पी. ए. एण्टरटेनमेन्टची निर्मिती असलेल्या या सिनेमाचं नाव ‘सिफर’ आहे. यात मानसी एका महत्वाच्या भूमिकेत दिसून येणार आहे. आपल्या भूमिकेबद्दल बोलताना मानसी म्हणाली की, ”सिफर’चा अर्था शून्य असा आहे, यातून एका अनाथ मुलीचा प्रवास दाखवण्यात आला आहे. याला ‘सिफर’ का म्हटलं आहे, तेही सिनेमा पाहूनच लक्षात येतं. वाढदिवसाच्या दिवशी या सिनेमाची घोषणा करताना मला आनंद होत आहे.’
दरम्यान, सिनेमाच्या चित्रीकरणाला अद्याप सुरुवात झाली नसून सध्या पोस्ट प्रोडक्शनवर काम केलं जात आहे. या भूमिकेला अनेक पदर आहेत. अनेक वर्षांनंतर अशी भूमिका मिळाल्याने सध्या अभिनेत्री प्रचंड आनंदी आहे. आपला आनंद व्यक्त करताना मानसी म्हणाली की, ‘मला ही भूमिका मिळायला बरीच वर्षे वाट पाहायला लागली. गेली अनेक वर्ष एक नृत्यांगना म्हणून लोकांनी जास्त ओळखलं, पण या भूमिकेमुळे लोकांना वेगळी मानसी दिसून येईल.’
चैतन्य आणि दिपक पांडुरंग राणे यांची निर्मिती असलेल्या या वेब सिनेमाचं दिग्दर्शन विनोद वैद्य यांनी केले आहे. तर धनंजय कुलकर्णी यांनी डीओपीची जबाबदारी स्वीकारली आहे. मानसीशिवाय या सिनेमात हिंदीतील नामवंत कलाकार आहेत, ज्यांचा नावाचा लवकरच खुलासा केला जाईल.
मी माझ्या कामावर जास्त प्रेम करतो, ‘आनंदी गोपाळ’च्या यशानंतर ललित नव्या भूमिकेत!