Tej Police Times
गोपीचंद पडळकर यांनी पुण्यातील एका कार्यक्रमात बोलताना हे वक्तव्य केले. संभाजी महाराज हे धर्मवीर नाहीत, असं जे कोणी म्हणतायत त्यांची कदाचित सुंता झाली असेल. ज्यांना असं वाटतंय, त्यांची परिस्थिती आता जाऊन तपासली पाहिजे, असे गोपीचंद पडळकर यांनी म्हटले. गोपीचंद पडळकर यांच्या या शेलक्या भाषेमुळे पुन्हा एकदा वाट पेटण्याची शक्यता आहे.
अजित पवार आणि गोपीचंद पडळकर यांनी यापूर्वीही एकमेकांवर अनेकदा तिखट भाषेत टीका केली आहे. गोपीचंद पडळकर हे सातत्याने पवार घराण्याचा डिवचताना दिसतात. यावर अजित पवार हेदेखील चोख प्रत्युत्तर देतात. गोपीचंद पडळकर यांनी अजित पवार यांच्याविरुद्ध बारामतीमधून विधानसभेची निवडणूक लढवली होती. मात्र, या निवडणुकीत पडळकर यांचे डिपॉझिट जप्त झाले होते. तेव्हा अजित पवार यांनी मी डिपॉझिट जप्त झालेल्यांवर बोलत नाही, अशी खोचक टीका अनेकदा केली आहे.
कोण कुठला उपटसुंभ, त्याच्यावर बोलायला मी रिकामा नाही: अजित पवार
काही दिवसांपूर्वीच गोपीचंद पडळकर यांनी बारामतीमधून पवारांचं घराणं उखडून फेकणार, असे वक्तव्य केले होते. त्यावर अजित पवार चांगलेच संतापले होते. तुम्ही ज्या माणसाबद्दल मला प्रश्न विचारताय तो फार मोठा नेता नाही. त्याने बोलावं आणि मी उत्तर द्यावं, असं होणार नाही. कोण कुठला उपटसुंभ, त्याचं डिपॉझिट जप्त करुन मी त्याला पाठवलंय, असे अजित पवार यांनी म्हटले होते.