कोणता हा राग! शिव ठाकरेची अवस्था चाहत्यांना पाहवेना, अर्चना गौतमवर काढला सगळा राग

मुंबई- बिग बॉस सीझन १६ चा महाअंतिम सोहळा जवळ आहे. त्यामुळे स्पर्धकांसोबत त्यांच्या चाहत्यांचीही धडधड वाढली आहे. या फ्रायडे का वॉरमध्ये करण जोहर बिग बॉस 16 मध्ये येणार आहे. यावेळी कुटुंबातील सदस्यांची शाळा घेण्यासाठी सलमान खान किंवा फराह खान उपस्थित राहणार नाहीत. बिग बॉस ओटीटीचे सूत्रसंचालन करणारा करण जोहर हा अर्चना आणि कुटुंबातील इतर सदस्यांची शाळा घेण्यासाठी बिग बॉसच्या घरात जाणार आहे.

‘हास्यजत्रा’च्या कलाकारांचे रिअल लाइफ पार्टनर पाहिले का?

सध्या अर्चना गौतमला सोशल मीडियावरही जोरदार ट्रोल केले जात आहे. अर्चना गौतमने ५० लाख वाचवण्याच्या टास्कमध्ये शिव ठाकरे, निम्रित आणि एमसी स्टॅनसोबत ज्या प्रकारे क्रूरता दाखवली ते पाहून युजर्स हैराण झाले आहेत. लोकांनी म्हटले की, अर्चनाचे हृदय दगडाचे आहे. एकाने तर अर्चनाला चेटकीण म्हटले आहे.

बिग बॉस १६ च्या नुकत्याच झालेल्या एपिसोडमध्ये एक टास्क दिला होता. तो जिंकल्यानंतर सध्याची विजेत्याची रक्कम २१ लाख ८० हजारांवरून ५० लाख झाली असती. पहिल्या दिवशी शिवच्या टीमने टास्क खेळला तर दुसऱ्या दिवशी प्रियंका-अर्चना आणि शालीनने टास्क खेळला. या दरम्यान शिव- निम्रित आणि स्टॅन यांना सतत बजर धरावा लागला. प्रतिस्पर्धी संघ स्पर्धकाला दूर करण्यासाठी सर्वतोपरी प्रयत्न करताना पाहायला मिळाले.

त्या टास्कमध्ये अर्चनाने सर्फ, मीठ, हळद आणि मासे टाकून शिव- निम्रित आणि स्टॅन यांना हरवण्याचा प्रयत्न केला. यादरम्यान शिवचे डोळे खूप जळू लागले, त्यानंतर निम्रित चेहऱ्याची आग होऊ लागल्यामुळे जोरजोरात रडू लागली. अर्चना रडणाऱ्या निम्रितकडे बघून क्रूरतेने पाहत होती. तेव्हा लोकांना तिचा खूप राग आला.

शिव ठाकरेचे डोळे पाणावले

सोशल मीडियावर चाहत्यांनी ती क्लिपही शोधून काढली. या व्हिडिओमध्ये अर्चनाने शिव ठाकरेंसोबत क्रूर कृत्य केले होते. त्यामुळे त्याचे डोळे खूपच सुजले होते. ती शिवसोबत असे का करतेय, असा प्रश्नही चाहत्यांनी बिग बॉसच्या मेकर्सना विचारला.