Tej Police Times
स्थानिकांनी दिलेली माहितीनुसार, मोरगावमधील एका खासगी क्लासच्या विद्यार्थ्यांना सहलीसाठी घेऊन निघालेल्या बसचे ब्रेक अचानक निकामी झाले. बसचे ब्रेक निकामी झाल्याचं लक्षात येताच चालकाने रस्त्यावरच्या नागरिकांना सावध करत चालत्या बस मधून उडी मारून चाकाखाली दगडं टाकून बस थांबवली. चालकाने दाखवलेल्या ह्या प्रसंगावधानामुळं मोठा अनर्थ टळला. ही सर्व घटना सीसीटीव्हीत कैद झाली आहे.
Pervez Musharraf Passed Away: पाकिस्तानचे माजी राष्ट्राध्यक्ष परवेज मुशर्रफ यांचे निधन
सहलीसाठी मोरगावमधील खासगी क्लासच्या ३४ विद्यार्थ्यांना घेऊन मांढरदेवीचे दर्शन करून बस क्रमांक MH12 HC 9119 भोर वरंधघाट मार्गे रायगडला जात असताना भोर चौपाटीजवळ बसचा ब्रेक एअर पाईप फुटल्याने बसचे ब्रेक निकामी झाले. बसचे ब्रेक निकामी झाल्याचे समजताच चालकाने प्रसंगावधान दाखवले. चालत्या बसमधून उडी मारून बसच्या चाकाखाली दगड टाकून बस थांबवली.
दरम्यान, बसमधले सर्व विद्यार्थी सुखरूप आहेत. घटनेची माहिती मिळताच, पोलीस कर्मचाऱ्यांनी घटनास्थळी पोहचून चालक आणि विद्यार्थ्यांना धीर देत रस्त्यावर झालेली वाहतूक कोंडी सोडवून वाहतूक सुरळीत केली.
राज ठाकरेंचा पुन्हा पत्र प्रपंच; कसबा-चिंचवड पोटनिवडणूक बिनविरोध करण्यासाठी मविआला साद