Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Nashik : कामाचं आमिष दाखवत धर्मांतराचा प्रयत्न, विवाहितेला डांबलं, महिनाभर अत्याचार
मिळालेल्या माहितीनुसार, अहमदनगर जिल्ह्यातील संगमनेर तालुक्यातील ही महिला सिन्नर येथील माळेगाव औद्योगिक वसाहतीत आपल्या पतीसोबत वास्तव्यास होती. मिळेल ते काम करून आणि मजुरी करून उदरनिर्वाह करत होती. याचदरम्यान पीडित महिला मुसळगाव औद्योगिक वसाहतीमध्ये रोजगार शोधण्यासाठी जात होती. यावेळी तिची ओळख वावीवेस परिसरातील रिक्षा थांब्यावर दोन महिलांशी झाली.
पुण्यात काँग्रेसची डोकेदुखी वाढली; कसब्यात बंडखोरीची भीती तर मोठा नेता भाजपच्या वाटेवर?
त्या महिलांची चर्चा सुरू असताना त्यांनी पीडित महिलेला “तू आमच्या सोबत चल, आम्ही तुला काम मिळवून देतो”, असं सांगितलं आणि सिन्नर शहरातील गोंदेश्वर मंदिराजवळच्या जोशीवाडी येथील त्यांच्या घरी घेऊन गेल्या. यावेळी या दोघींनी त्यांची नावे बुट्टी व प्रेरणा अशी सांगितली आणि त्यांच्यासोबतच घरात असलेला भाऊसाहेब उर्फ भावड्या दोडके आणि राहुल फादर यांनी मिळून या महिलेला धर्मांतराचे आमिष दाखवलं.
तसेच राहुल फादर याने लाल रंगाचे गुंगीचे पाणी या महिलेस पाजले व एक चित्र असलेले पुस्तक दाखवलं. त्या रात्री संशयित भावड्या याच्यासह फादर आणि एका अनोळखी इसमानेही तिच्यावर अत्याचार केला. तिला महिनाभर घरात डांबून ठेवत तिच्यावर अत्याचार केला. १७ डिसेंबर रोजी तिचा पती तिला शोधण्यासाठी निघाला असता तो सिन्नर मधील वैदुवाडीत आला यावेळी पीडितेच्या पतीला दमदाटी करत हुसकून लावले. त्यानंतर २९ डिसेंबर रोजी पीडित महिलेच्या पतीने शहरातील एका सामाजिक कार्यकर्त्याच्या मदतीने महिलेची सुटका करून घेतली. महिलेने त्या सामाजिक कार्यकर्त्याला आपली आपबीती सांगितल्यानंतर त्यांनी पोलिसांत धाव घेतली.
या प्रकरणी पीडित महिलेच्या तक्रारीवरून भाऊसाहेब उर्फ भावड्या यादव दोडके (३५) रा. जोशीवाडी, कथित फादर राहुल लक्ष्मण आरणे (२९) रा. गौतमनगर, सिन्नर, रेणुका उर्फ बुटी यादव दोडके (४५) रा. जोशीवाडी व प्रेरणा प्रकाश साळवे (२५) राहणार द्वारका, नाशिक या संशयीतांवर गुन्हा दाखल करून पोलिसांनी त्यांना ताब्यात घेतलं आहे. तर यातील एक संशयित आरोपी फरार असल्याची माहिती मिळत आहे.
पुण्यात काँग्रेसची डोकेदुखी वाढली; कसब्यात बंडखोरीची भीती तर मोठा नेता भाजपच्या वाटेवर?