लाजरा न साजरा मुखडा! हळदीचा रंग उतरायच्या आधीच अभिनेत्री वनिता खरात पुन्हा सेटवर

मुंबई- अभिनेत्री वनिता खरातने प्रियकर सुमीत लोंढेसोबत ३ फेब्रुवारी २०२३ रोजी लग्नगाठ बांधली. या जोडप्याने ठाण्यातील एका रिसॉर्ट व्हिलामध्ये पारंपरिक मराठमोळ्या पद्धतीने लग्न केले. वनिताने आता आपल्या आयुष्यातील एक नवीन टप्पा सुरू केला असला तरी ती तिच्या कामाच्या वचनबद्धतेशी एकनिष्ठ आहे. एक खरी कलाकार असल्याचे सिद्ध करत, तिने आपल्या सुरू असलेल्या ‘पोस्ट ऑफिस उघडे आहे’ आणि ‘महाराष्ट्राची हास्याजत्रा’ या टीव्ही शोचे शूटिंग पुन्हा सुरू केले आहे.

एक असाही स्टार! रॉबर्ट असो की कालिया.. फेमस असूनही विजू खोटेंना दरवेळी मागावे लागलेले काम

या दोन्ही शोमधील वनिताची सहकलाकार ईशा डे हिने सेटवरील वनिताचा एक व्हिडिओ शेअर केला आहे त्यामध्ये अभिनेत्री नवविवाहित लूकमध्ये सुंदर दिसत आहे. वनिताचे ३ फेब्रुवारीला लग्न झाले आणि लग्नानंतर दुसऱ्या दिवशी तिने पुन्हा कामाला सुरुवात केली. शिवाय, अभिनेत्रीकडे आणखी काही शूट आहेत जे ती लवकरच सुरू करणार आहे.

दोन्ही शोमधील वनिताची सहकलाकार ईशा डेने सेटवरील वनिताचा एक व्हिडिओ शेअर केला आहे ज्यामध्ये अभिनेत्री तिच्या नवविवाहित लूकमध्ये सुंदर दिसत आहे.

वनिताच्या लग्नाबद्दल आणि लग्नाआधीच्या कार्यक्रमांबद्दल बोलायचे झाल्यास, अभिनेत्रीने आपला लग्न सोहळा खूप खासगी ठेवला होता. विशेष म्हणजे या जोडप्यांनी त्यांचे हळदी, विधी, फेरे आणि स्वागत समारंभ केवळ एका दिवसात म्हणजे शुक्रवारी ३ फेब्रुवारी रोजी आटपून आपापल्या कामावर लगेच रुजू झाले.

‘महाराष्ट्राची हास्यजत्रा’च्या कलाकारांचे रिअल लाइफ पार्टनर पाहिले का?

वनिता खरातच्या कामाबद्दल बोलायचे झाल्यास ‘कबीर सिंह’ या सुपरहिट चित्रपटात ती दिसली होती. मात्र महाराष्ट्राची हास्यजत्रा या शोमुळे तिला खरी ओळख मिळाली. ती मनोरंजनक्षेत्रात विनोदी भूमिकांसाठी प्रसिद्ध आहे. तिचा नवरा सुमित हा डिजिटल कटेंट क्रिएटर आहे.