आपल्याच घरात परका झाला नवाजुद्दीन सिद्दीकी, आई- बायकोच्या भांडणात हॉटेलमध्ये जाऊन राहिला

ताज्या बातमीनुसार आई आणि बायकोमध्ये सुरू असलेल्या भांडणाला कंटाळून नवाजुद्दीन त्याचं आलिशान घर सोडून हॉटेलमध्ये रहायला गेला आहे. बॉलिवूड हंगामानं दिलेल्या बातमीनुसार नवाजुद्दीनच्या जवळच्या मित्रानं सांगितलं की, जोपर्यंत त्याचे वकील घरावरून निर्माण झालेली कायदेशीर समस्या सोडवत नाही तोपर्यंत तो हॉटेलमध्येच राहणार आहे. दरम्यान नवाजुद्दीनने अंधेरी इथल्या यारी रोडवर त्याचा आलिशान बंगला बांधला आहे. या बंगल्याला त्याने वडिलाचं नाव दिलं आहे. या आलिशान घरात सहा बेडरूम, दोन मोठे हॉल आणि दोन लॉन आहेत.

आलियाचे नवाज आणि त्याच्या कुटुंबावर आरोप

दरम्यान, नवाजुद्दीनच्या आईने आलियावर अनेक आरोप केले. त्यात ती नवाजची बायकोच नाही असा गंभीर आरोपदेखील केला. तर दुसरीकडे आलियानेदेखील कायदेशीर आधार घेत नवाज आणि त्याच्या कुटुंबाविरोधात तक्रार दाखल केली. आलियाने नवाज आणि त्याच्या कुटुंबियांनी तिला जेवण आणि मूलभूत सुविधा, अगदी बाथरूम वापरण्याची परवानगी दिली नाही, असा आरोप करत कायदेशीर मार्ग स्वीकारला आहे.

हळदीचा रंग उतरायच्या आधीच अभिनेत्री वनिता खरात पुन्हा सेटवर

आलियाने तिचे वकील रिझवान सिद्दीकी यांच्यामार्फत नवाज आणि त्याच्या कुटुंबियांविरोधात तक्रारही दाखल केली. त्यानंतर पत्नी आलियाने दाखल केलेल्या तक्रारीवरून मुंबईच्या अंधेरी न्यायालयाने नवाजला नोटीस बजावली आहे.

नवाजुद्दीन आणि जैनब उर्फ आलिया यांचं वर्ष २०१० मध्ये लग्न झालं होतं. जैनब ही नवाजुद्दीनची दुसरी पत्नी आहे. दोन वर्षांपूर्वी या दोघांमध्येही खटके उडत असल्याचं समोर आलं होतं. दोघांच्या घटस्फोटाची चर्चा रंगली होती. तसंच दोघांनी एकमेकांवर अतिशय गंभीर आरोप केले होते. नवाजुद्दीन आणि जैनब यांना दोन मुलं आहेत.

नवाजुद्दीनचं पहिलं लग्न शीबासोबत झालं होतं. नवाजुद्दीनने आईने पसंत केलेल्या शीबासोबत लग्न केलं. ती उत्तराखंड इथली होती. नवाजुद्दीनलादेखील शीबा आवडली होती. पण शीबाचा भाऊ त्यांच्या खासगी आयुष्यत सतत ढवळाढवळ करायचा. त्यामुळं शीबा आणि नवाजुद्दीनचा घटस्फोट झाला. त्यानंतर नवाजुद्दीनने अंजलीसोबत दुसरं लग्न केलं. लग्नासाठी तिनं धर्म बदलला होता. लग्नाच्यावेळी तिचं नाव बदलून जैनब करण्यात आलं होतं. पण तिनं नंतर हे नावदेखील बदललं आणि आलिया ठेवलं.

वनिता खरातच्या हातावर रंगली सुमितच्या नावाची मेहंदी, हास्यजत्रेतील कलाकारांची हजेरी