Tej Police Times
मुंबई:’द शार्क टँक इंडिया’चा दुसरा सीझनही आता संपत आलाय. पहिल्या सीझनला प्रचंड प्रतिसाद मिळाला. यानंतर शार्क टॅंक इंडियाा दुसरा सीझननंही प्रेक्षकांना आवडला. शोमध्ये नमिता थापर, विनिथा सिंग, पियुष बंसल, अमन गुप्ता आणि अमित जैन हे शार्क टँक इंडिया सीझन २ चे परिक्षक आहेत.
‘शार्क टँक इंडिया’ या शोमध्ये येणारे नव उद्योजक गुंतवणूक मिळवण्याच्या उद्देशानं सहभागी होता. सहभागी होणारे स्पर्धक व्यवसायाच्या उत्तम कल्पना घेऊन इथं येतात.जर त्या कल्पना परीक्षकांना आवडल्या तर ते त्यांच्या व्यवसायात गुंतवणूक करतात. जर स्पर्धकांच्या संकल्पना परिक्षकांना आवडल्या नाहीत तर त्यांना रिकाम्या हातानं परतावं लागतं.
‘शार्क टँक इंडिया’च्या दुसऱ्या सीझनमध्ये हटके आणि भारी कल्पना घेऊन आलेल्या अनेकांना जबरदस्त डील्स मिळाल्या. तर या सीझनमध्ये अमित जैन यांनी एका स्टार्टअपला सगळ्यात मोठी ऑफर देऊ केली होती, पण त्या स्टार्टअपच्या संस्थापकानं ती नाकारली. सीझनमधली सगळ्यात मोठी ऑफर असल्यानं याची प्रचंड चर्चा सुरू आहे,
‘शार्क टँक इंडिया’च्या २६ व्या भागात दिल्लीतील अंकित अग्रवाल नावाचा तरुण उद्योजक आला होगात. ‘Unstop’ असं त्याच्या स्टार्टअपचं नाव आहे. हे एक टॅलेंट मॅनेजमेंट स्टार्टअप आहेत. विद्यार्थ्यांना स्पर्धांच्या माध्यमातून त्यांना नोकरी देण्याचं काम ही कंपनी करते.
ऑफर नाकारली
अंकित जेव्हा आला होता तेव्हा त्याला पाचही परिक्षकांना त्याच्या कंपनीत सहभागी करून घ्यायचं होतं. पण अमित जैन यांनी स्वतंत्रपणे त्याला दिलेली ऑफर अंकितनं नाकारली. अंकितनं सुरुवातीला एक कोटींच्या बदल्यात १ टक्के भागीदारी अशी ऑफर शार्कसमोर ठेवली होती. पण अमित जैन यांनी त्याला थेट पाच कोटींच्या बदल्यात १० टक्के भागीदारी अशी ऑफर दिली. पण अंकितनं विचार करून ही ऑफर नाकारली.
दरम्यान,एका भागामध्ये, प्रतीक पलेनेत्रा आणि विश्वनाथ या दोन उद्योजकांनी शोमध्ये त्यांची संकल्पना आणि प्रोडक्ट मांडलं. त्यांचं प्रोडक्ट क्रिकेटशी संबंधित होतं जे क्रिकेट विश्वातील पहिलं नॉन-इलेक्ट्रिक आणि पोर्टेबल बॉलिंग मशीन होतं. या बॉलिंग मशीनद्वारे क्रिकेटपटूंना सरावात कशी मदत मिळू शकते, हे प्रतिकनं या शोमध्ये सांगितलं. उद्योजकांनी सांगितलं की ते कनिष्ठ स्तरावर क्रिकेट खेळले आहेत. उद्योजक प्रतीकनं खुलासा केला की तो क्रिकेटर केएल राहुलचा चुलत भाऊ आहे.