खरी युती तर इकडे झाली! स्नेहल शिदम महाराष्ट्राची हास्यजत्रा फेम अभिनेत्याच्या प्रेमात?

मुंबई: महाराष्ट्राची हास्यजत्रा फेम वनिता खरात हिचं लग्न झाल्यानंतर आता चला हवा येऊ द्या फेम अभिनेत्री स्नेहल शिदम हिच्या अफेअरच्या चर्चा सुरू झाल्या आहेत. त्याला कारणंही तसंच आहे. या चर्चेला कारण ठरतंय तिनंच शेअर केलेली एक पोस्ट.

स्नेहलनं एक फोटो शेअर केलाय. या फोटोत ती महाराष्ट्राची हास्यजत्रा फेम अभिनेता निखिल बने याच्यासोबत पोज देताना दिसतेय. या फोटोला तिनं असं काही कॅप्शन दिलंय, की दोघांच्या नात्याची चर्चा सुरू झाली आहे. ‘पिरतीच्या फडात गं धरला हात असा काळीज येंधलं आरल …..’अशा दोन ओळी तिनं शेअर केल्यात.

श्रेया बुगडे म्हणते…
स्नेहलच्या या पोस्टवर तिची सहकलाकार श्रेया बुगडे हिनं देखील कमेंट केली आहे. तिनं म्हटलंय की, मला तू काहीच सांगितलं नाहीयेस. स्नेहल माझ्या मेकअप रुममध्ये लगेच ये..मला अपडेट हवेत…’ स्नेहलच्या या पोस्टमुळं चाहत्यांना गोंधळात टाकलं आहे. अनेकांनी तिचं अभिनंदनही केलं आहे.

कोण आहे स्नेहल शिदम?
स्नेहलनं महाविद्यालयात असताना अनेक अनेक एकांकिकांमध्ये उत्कृष्ट अभिनेत्रीचे पारितोषिक पटकावलं आहे. त्यानंतर तिनं ‘चला हवा येऊ द्या -शेलिब्रिटी पॅटर्न’मध्ये देखील अभिनयाची चुणूक दाखवली. ‘स्वीटी सातारकर’ हा तिच्या अभिनयाच्या करिअरमधला पहिला चित्रपट ठरला.

स्नेहलचा स्ट्रगल
कॉलेजमध्ये असल्यापासून अभिनयाची आवड असणारी स्नेहल एकांकिका आणि नाटकांतून अभिनय करत असे. ‘चला हवा येऊ द्या’ साठी तिने सहज ऑडिशन दिली आणि ती हे पर्व जिंकली देखील. त्यानंतर मात्र स्नेहलने मागे वळून पाहिलं नाही. नुकत्याच एका वेबसाइटला दिलेल्या मुलाखतीत स्नेहल म्हणाली, ‘मी एका मध्यमवर्गीय कुटुंबातील मुलगी आहे. त्यामुळे काहीतरी काम करून पैसे कमवायचे आणि घर सांभाळायचं हा पहिला उद्देश होता. मला आता प्रचंड लोकप्रियता मिळतेय. पण जेव्हा मला कोणीही ओळखत नव्हतं तेव्हा मी एखाद्या भूमिकेच्या ऑडिशनसाठी गेले की मला रिजेक्ट केलं जायचं, असं तिनं एका मुलाखतीत म्हटलं होतं.