Tej Police Times
सोशल मीडियावर मनोज बाजपेयी यानं व्हिडिओ शेअर केला आहे. त्यात तो म्हणतो आहे की,’हॅलो हॅलो हॅलो खूप वेळ गेला आहे नाही… माझं म्हणणं लक्ष पूर्वक ऐका. येत्या होळीला फॅमिली मॅन घेऊन मी माझ्या फॅमिलीसह येत आहे.’ हा व्हिडिओ शेअर करत त्यानं लिहिलं आहे की, ‘फॅमिलीबरोबर येत आहे, स्वागत करणार नाही का आमचं?’
नेटकऱ्यांनी केलं मनोज दमदार स्वागत
मनोजनं हा व्हिडिओ शेअर केल्यानंतर नेटकऱ्यांनी त्याचं उत्साहात स्वागत केलं आहे. अनेकांनी द फॅमिली मॅन ३ ची आतुरतेनं वाट बघत असल्याचं सांगितलं आहे. एका नेटकऱ्यानं लिहिलं आहे की,’वा वावा फायनली फॅमिली ३ येत आहे.’ तर अन्य एका युजरनं लिहिलं आहे की, ‘स्वागत बा,’ तर आणखी एकानं लिहिलं आहे की, ‘वाट बघतो आहे सर’ तर अन्य एका नेटकऱ्यानं लिहिलं की ‘तुमचीच वाट बघत होतो आम्ही…’
मनोज वायपेयीनं फॅमिली मॅनच्या पहिल्या आणि दुसऱ्या सिझनमध्ये श्रीकांत तिवारी ही भूमिका साकारली. या सारिजमधील मनोज वायपेयीच्या अभिनयाला प्रेक्षकांची विशेष पसंती मिळाली. तसेच अभिनेता शारीब हाश्मी यानं या सीरिजमध्ये जेके तळपदे ही भूमिका साकारली. या सीरिजमधील शारीबच्या अभिनयाचं अनेकांनी कौतुक केलं. २०१९ मध्ये राजा निदिमोरू आणि कृष्णा डीके यांची द फॅमिली मॅन वेब सीरिज प्रचंड लोकप्रिय झाली होती. त्यानंतर सीरिजच्या दुसऱ्या भागानं देखील अफाट लोकप्रियता मिळवली होती.
फॅमिली मॅनमधील कलाकार
‘द फॅमिली मॅन’च्या दोन्ही सीझनमध्ये मनोज वायपेयी, शारीब हाश्मी, प्रियामणी, श्रेया धन्वंतरी आणि शरद केळकर यांनी प्रमुख भूमिका साकारली होती. तर दुसऱ्या सीझनमध्ये समंथा रुथ प्रभूनं प्रमुख भूमिका साकारली होती. त्यामुळे तिसऱ्या सीझनमध्ये कोणते कलाकार असणार आहेत, हे जाणून घेण्यासाठी प्रेक्षक उत्सुक आहेत. फॅमिली मॅन सीरिजचा पहिला आणि दुसरा भाग अॅमेझॉन प्राईम व्हिडीओवर रिलीज झाला.