राखी सावंतच्या आयुष्यात घडतंय तरी काय? आदिलबद्दल बोलताना अचानक शुद्ध हरपली आणि नंतर…

मुंबई: नेहमीच चर्चेत असणारी राखी सावंत हिच्या आयुष्यात नेमकं काय सुरू आहे, हे काय कळायाला मार्ग नाही. सकाळी एक आणि रात्री वेगळंच बोलणाऱ्या राखीवर विश्वास तरी कसा ठेवायचा असा प्रश्न तिचे चाहते आणि नेटकऱ्यांना पडला आहे. काही दिवसांपूर्वीच राखीच्या आईचं निधन झालं. या कठिण काळात तिचा नवरा आदिल खान दुर्रानी यानं तिला साथ दिली होती. पण आता काहीच दिवसात राखीनं त्याच्यावर गंभीर आरोप केलेत. हे प्रकरण आता पोलिस ठाण्यात पोहोचलं आहे. तिनं आदिलच्या विरोधात तक्रार दाखल केली आहे. यानंतर आदिलला पोलिसांनी ताब्यात घेतलं होतं. यानंतर राखीनं मीडियाशी संवाद साधला.

मंगळवारी रात्री मीडियासोबत बोलत असताना राखीला अचानक चक्कर आणि ती कोसळली. राखीची ही अवस्था पाहून तिची दया येते, पण हे किती खरं आणि किती खोटं आहे, यावर विश्वास ठेवणं कठिण असल्याच्या प्रतिक्रिया सोशल मीडियावर उमटताना दिसत आहेत.

मीडिया प्रतिनिधींनी राखीला काही प्रश्न विचारले. आदिलच्या कुटुंबियांशी बोलणं झालं का? असं विचारल्यावर राखी म्हणाली की, शेवटी आई ती आई असते. मी त्यांना म्हटलं की, मी तुमची सून आहे, गरज असेल तेव्हा कधीही तुमच्यासोबत असेन. पण आदिलबद्दल विचारू नका,असं राखी म्हणाली.

मी आदिलच्या आईला गेल्या सात महिन्यात कितीवेळा सांगितलं होतं की, आदिल मला मारतो, टॉर्चर करतो. तेव्हा त्या म्हणाल्या होत्या की, राखी तुझ्या जागी मी असते तर केव्हाच त्याला सोडलं असतं… पण मीच तेव्हा त्यांना म्हटलं की, तुम्ही आदिललं समजवा.सगळ्यांनी त्याला समजवण्याचा प्रयत्न केला. पण त्याला मुंबईची हवा लागली होती. इथला झगमगाट, इंडस्ट्रीत हिरो व्हायचं होतं. त्याचे क्रिमिनल रेकॉर्ड्स आहेत. मला हे लग्न करायच्या आधी माहीत असतं तर आज ही वेळ आली नसती…असं राखीनं यावेळी म्हटलं.

राखीचा एक व्हिडिओ व्हायरल होतोय, ज्यात आदिलबद्दल बोलत असताना अचानक तिला चक्कर येते. राखीची अवस्था पाहून अनेकजण तिच्या मदतीला येतात. तिला कारमध्ये बसवतात.