कियाराच्या कलीरेमध्ये लपलीये सिद्धार्थसोबतची लव्हस्टोरी, ‘ऑस्कर’ आणि रोमसोबत खास कनेक्शन

कियाराच्या कलीरेची डिझाइन डिझायनर मृणालिनी चंद्राने डिझाइन केली आहे. या डिझायनरने सोशल मीडियावर या कलीरेचं डिझाइन समजवत व्हिडिओ शेअर केला आहे. कलीरेमध्ये चंद्र, तारे, सिद्धार्थ-कियाराच्या नावाची पहिली अक्षरं, सिद्धार्थचा पेट डॉग ऑस्करचा फोटो अशा अनेक गोष्टी आहेत. यातून कियारा – सिद्धार्थची लव्हस्टोरी दाखवण्यात आली आहे.

हेही वाचा – आयुष्यभरासाठी एकमकांचे झाले कियारा-सिद्धार्थ, शेरशाह कपल अडकलं विवाहबंधनात

डिझायनर मृणालिनीने सोशल मीडियावर, सिग्नेचर लव्ह स्टोरी कलीरे खास कियारा आडवाणीसाठी असं म्हणत व्हिडिओ शेअर केला आहे. सूर्य, चंद्र, तारे, कियारा-सिद्धार्थचं आवडतं ट्रॅव्हल डेस्टिनेशन अशा अनेक गोष्टी या कलीरेमध्ये दाखवण्यात आल्या होत्या. या दोघांचं आवडचं ठिकाण रोम असून त्याची झलकही कलीरेमध्ये दाखवण्यात आलं होतं.

हेही पाहा – सिद्धार्थ मल्होत्राच्या वडिलांची तब्येत बिघडली, काही काळ थांबला होता संगीत सोहळा

सिद्धार्थच्या पेट डॉगचं नाव

सिद्धार्थचा पेट डॉग ११ वर्ष त्याच्यासोबत होता. फेब्रुवारी २०२२ मध्ये त्याचं निधन झालं. त्याचं नाव ऑस्कर होतं. त्यावेळी सिद्धार्थने ऑस्करसाठी इन्स्टाग्रामवर एक इमोशनल पोस्ट लिहिली होती. तसंच ऑस्करचा एक फोटोही शेअर केला होता. सिद्धार्थ ऑस्करच्या किती जवळ होता हे कियारा जाणून होती. त्यामुळेच तिने तिच्या लग्नाच्या कलीरेमध्येही त्याचा फोटो ठेवत सिद्धार्थ आणि ऑस्करच्या प्रेमाला ट्रिब्यूट दिलं.

७ फेब्रुवारी रोजी कियारा आणि सिद्धार्थने लग्नगाठ बांधली. जैसलमेरमध्ये या दोघांचं शाही लग्न पार पडलं.