अनुष्का, शाहिदला फॉलो करणार का आलिया? सिद्धार्थ-कियाराच्या रिसेप्शनपेक्षा या गोष्टीचीच चर्चा

मुंबई: बॉलिवूड सेलिब्रिटींची लग्न झालं की, सगळ्यात जास्त चर्चा होते ती लग्नाला आलेल्या पाहुणे मंडळींची. बॉलिवूड सेलिब्रिटींच्या लग्नाला येणारी पाहुणे मंडळी तितकीच खास असतात. व्हीआयपी, व्हीव्हीआयपी मंडळी लग्नाची शोभा वाढवतात. पण अनेकदा अशी पाहुणेमंडळी येऊन आश्चर्याचा धक्का देतात.

बॉलिवूडच्या अनेक कलाकारांनी मागची सर्व भांडणं विसरून आपल्या एक्स गर्लफ्रेंड बॉयफ्रेंडच्या लग्नाला हजेरी लावली होती. नुकतंच सिद्धार्थ मल्होत्रा आणि कियारा अडवाणी यांचा विवाहसोहळा पार पडला. या लग्नाला अनेक सेलिब्रिटींनी हजेरी लावली होती. पण सगळ्यांचं लक्ष लागलं होतं ते म्हणजे आलिया भट्ट हिच्याकडं. ती लग्नाला येणार की नाही , याबद्दल चर्चा सुरू होत्या. पण काही महिन्यांच्या लेकीला सोडून तिनं लग्नाला न जाण्याचा निर्णय घेतला असावा. आता मागचं सगळं विसरून आलिया रिसेप्शनला येणार का? हे पाहावं लागणार आहे.

बॉलिवूडची देसी गर्ल आणि हॉलिवूड स्टार प्रियांका चोप्रा हिनं २०१९मध्ये अमेरिकन गायक आणि अभिनेता निक जोनसशी लग्न केलं. तिच्या लग्नात काही जवळचे नातेवाईक आणि मित्रपरिवार वगळता कोणालाच एंट्री नव्हती मात्र त्यानंतर मुंबई इथं झालेल्या रिसेप्शनला मात्र सर्वच बॉलिवूड कलाकारांनी हजेरी लावली होती. ज्यात प्रियांकाचे एक्स बॉयफ्रेंड शाहिद कपूर आणि हरमन बवेजा दोघांचाही समावेश होता.

बालगंधर्व आणि शंकर महाराजांची भेट कशी घडली? ‘योगयोगेश्वर जय शंकर’ मालिकेत उलगडणार कथा
अभिनेत्री बिपाशा बासूनं अभिनेता करण सिंह ग्रोव्हरशी लग्न केलं. त्यावेळी या लग्नाला तिचा एक्स बॉयफ्रेंड दिनो मोरियासुद्धा उपस्थित होता. करण सिंह ग्रोव्हरशी रिलेशनशिप आधी बिपाशा आणि डिनोच्या अफेअरच्याही खूप चर्चा झाल्या होत्या. पण नंतर दोघं वेगळे झाले. डिनोनं आपली मैत्री कायम ठेवत बिपाशाच्या लग्नाला हजेरी लावली होती.
ब्रॅंड प्रमोशनसाठी नव्हे तर…सिद्धार्थ-कियाराच्या लग्नाच्या फोटोंवर कंगनाची वेगळीच कमेंट
नेहा धूपिया आणि अंगद बेदी यांनी लग्न तेव्हा त्यांच्या लग्नाची बातमी अचानक समोर आली होती. त्याआधी नेहाचं नाव क्रिकेटर युवराज सिंग यांच्याशीही जोडलं गेलं होतं. पण जेव्हा नेहा-अंगदनं त्यांच्या लग्नाची पार्टी दिली त्यावेळी युवराजसुद्धा त्या पार्टीमध्ये सहभागी झाला होता.

अनुष्का शर्मानं २०१८ मध्ये भारतीय क्रिकेट संघाचा कर्णधार विराट कोहलीशी लगीनगाठ बांधली. पण एक वेळ अशी होती की, अनुष्काचं नाव अभिनेता रणवीर सिंगशी जोडलं गेलं होतं. या दोघांनी या नात्याची कधीच कबुली दिली नव्हती पण नंतर अनुष्का विराटच्या प्रेमात पडली तर रणवीर दीपिका पदुकोणच्या. पण जेव्हा अनुष्कानं विराटशी लग्न केलं तेव्हा रणवीर तिच्या रिसेप्शनला उपस्थित होता आणि दीपिका-रणवीरच्या लग्नानंतर अनुष्कानंही त्यांच्या रिसेप्शनला हजेरी लावली होती.