Tej Police Times
सैन्यात भरती करण्यात येणार्या ग्रुप सी पदांमध्ये एमटीएस (सफाईवाला), एमटीएस (मेसेंजर), मेस वेटर, बार्बर, वॉशरमन, मशालची आणि कुक अशा एकूण १३५ पदांचा समावेश आहे. नियुक्तीनंतर या पदांसाठी विहित निवड प्रक्रियेद्वारे निवडलेल्या उमेदवारांना वेतनश्रेणीनुसार १८ हजार ते ६३ हजार २०० रुपयांपर्यंत पगार दिला जाणार आहे.
पात्रता आणि निवड प्रक्रिया
आर्मी मुख्यालय २२ अंतर्गत जाहिरात केलेल्या गट सी पदांसाठी अर्ज करण्यास इच्छुक उमेदवारांनी मान्यताप्राप्त बोर्डातून मॅट्रिक परीक्षा उत्तीर्ण असणे आवश्यक आहे. तसेच, उमेदवारांनी रिक्त पदांशी संबंधित ट्रेडमध्ये प्रमाणपत्र प्राप्त केलेले असावे. दिलेल्या कट-ऑफ तारखेनुसार उमेदवारांचे वय १८ वर्षांपेक्षा कमी आणि २५ वर्षांपेक्षा जास्त नसावे. उमेदवारांची निवड ही निवड लेखी चाचणी, प्रात्यक्षिक आणि व्यापार चाचणीच्या आधारे केली जाणार आहे.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.
अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.
ऑफलाइन अर्ज
या पदांसाठी इच्छुक आणि पात्र उमेदवारांना ऑफलाइन पद्धतीने अर्ज पाठवायचा आहे. उमेदवारांनी पूर्णपणे भरलेला फॉर्म आणि जोडलेली कागदपत्रे जाहिरात प्रकाशित झाल्यापासून २१ दिवसांच्या आत – ग्रुप कमांडर, मुख्यालय २२, मूव्हमेंट कंट्रोल ग्रुप, पिन-९००३२८, सी/ओ ९९ एपीओ येथे सबमिट करणे आवश्यक आहे. उमेदवारांना अर्जाच्या लिफाफ्यावर अर्ज केलेल्या पदाचे नाव लिहावे लागणार आहे.
पदभरतीचा तपशील जाणून घेण्यासाठी येथे क्लिक करा
Bank Job: सेंट्रल बँक ऑफ इंडियामध्ये विविध पदांची भरती, ‘येथे’ पाठवा अर्ज
HPCL Job 2023: पदवीधरांना हिंदुस्थान पेट्रोलियममध्ये नोकरी, परीक्षा द्यायची गरज नाही