Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई: बॉलिवूडमध्ये काय घडलं आणि त्याची सोशल मीडियावर चर्चा होणार नाही, हे केवळ अशक्यच. बॉलिवूडचं स्टार कपल अभिनेत्री कियारा अडवाणी आणि अभिनेता सिद्धार्थ मल्होत्रा नुकतंच लग्नबंधनात अडकलं.
सिद्धार्थ-कियाराच्या लग्नानंतर सोशल मीडियावर प्रचंड भन्नाट मीम्स व्हायरल झाले आहेत. या दोघांच्या लग्नानंतर नेटकऱ्यांना आठवला तो कबीर सिंग. सिड-कियाराच्या लग्नासोबत कबीर सिंग या चित्रपटातले फोटो, व्हिडिओ, मीम्स व्हायरल झाले आहेत.अभिनेता शाहिद कूपर आणि कियारा यांचा कबीर सिंग हा चित्रपट प्रचंड गाजला होता. चित्रपटातील गाणी, डायलॉग्ज यांनी तरुणाईला वेड लावलं होतं. आता कियाराच्या लग्नानंतर नेटकऱ्यांना पुन्हा एकदा कबीर सिंगची आठवण आली आहे.
शाहिद कूपर बाईक चालवत असलेला कबीर सिंग चित्रपटातील सीन गाजला होता. या सीनवर तेव्हाही मीम्स व्हायरल झाले होते. आता पुन्हा एकदा हे मीम सोशल मीडियावर व्हायरल होतंय. तर ‘प्रीती तू असं कसं करू शकते कबीर सिंगसोबत’..असं म्हणत नेटकऱ्यांनी कियारा सिद्धार्थच्या लग्नाच्या फोटोंवर मजेशीर कमेंट्स केल्या आहेत.
शाही विवाहसोहळा
दरम्यान, सिद्धार्थ आणि कियाराच्या या शाही विवाहसोहळ्याची प्रचंड चर्चा सुरू आहे. राजस्थानमधील जैसलमेर इथल्या सूर्यगढ पॅलेस या ठिकाणी सिड-कियारानं सात फेरे घेतले. हा शाही विवाहसोहळा थाटामाटात आणि उत्साही वातावरणात पार पडला.
कुटुंब, जवळचे नातेवाईक
सिद्धार्थ आणि कियाराच्या लग्नाला निवडक लोकांनाच आमंत्रण देण्यात आलं होतं. या दोघांच्या विवाह सोहळ्याला दोघांचे कुटुंबिय, जवळचे नातेवाईक आणि काही खास मित्रमंडळी यांनी हजेरी लावली होती. या सर्वांच्या साक्षीनं, शुभेच्छांसह कियारा अडवाणी मल्होत्रांच्या घरची सून झाली.
रिसेप्शन कधी?
सिद्धार्थ आणि कियाराच्या लग्नानंतर आता रिसेप्शनच्या चर्चा सुरू आहेत. उद्या दिल्लीत रिसेप्शन होणार असल्याचं म्हटलं जात आहे तर बॉलिवूडच्या मित्रांसाठी वेगळं मुंबईतबी रिसेप्शन असेल , अशा चर्चा रंगल्या आहेत. यात सोनाक्षी सिन्हा, आरती शेट्टी, पूजा शेट्टी, शकुन बत्रा यांच्यासह अनेक कलाकार सहभागी होणारअसल्याचं म्हटलं जात आहे.