मोठी बातमी: काँग्रेस आमदार प्रज्ञा सातव यांच्यावर हिंगोलीत हल्ला

प्रज्ञा सातव यांनी फेसबुक पोस्टमध्ये काय म्हटलंय?

आज मी कळमनुरी तालुक्यातील कसबे दवंडा या गावाच्या दौऱ्यावर अस्ताना माझ्यावर एका अज्ञात व्यक्तीने मागून हल्ला केला. आज माझे पती राजीव भाऊ नाहीत आणि माझी मुले लहान आहेत. मी कोणाचेही वाईट केले नाही. महिला आमदारावरील हल्ला हा लोकशाहीवर हल्ला आहे. माझ्या जीवाला धोका असला तरी मी माझ्या लोकांसाठी काम करत राहीन कारण राजीव भाऊंचे आशीर्वाद माझ्या पाठीशी आहेत. इतिहासात सावित्रीबाई , इंदिराजी यांसारख्या थोर महिलांवरही हल्ले झाले. मात्र त्यांनी घरी न बसता आपले चांगले काम सुरू ठेवले. हा माझ्यावर पूर्वनियोजित हल्ला होता.

ही घटना साडेआठ वाजताच्या सुमारास घडली असल्याची माहिती महाराष्ट्र टाइम्स सोबत बोलत असताना प्रज्ञा सातव यांनी दिली आहे. भाषण करून गाडीकडे निघत असताना सदरील इसमाने प्रज्ञा सातव यांना पाठीमागे ओढून एक थापड मारल्याची माहिती त्यांनी त्यांनी दिली. सध्या या प्रकरणी प्रज्ञा सातव यांनी कळमनुरी पोलीस स्टेशनमध्ये तक्रार सुद्धा दिली आहे. पुढील कार्यवाही सुरू असून, हल्लेखोराची लवकरच नाव व पत्ता समोर येईल अशी माहिती त्यांनी दिली आहे. मी काम करू नये, मला मागे ओढण्याचा हा प्रयत्न असू शकतो. मी कधीही मागे हटणार नाही, जनतेची अविरत काम करत राहील असं प्रज्ञा सातव यांनी म्हटलं आहे.

हेही पाहा