Tej Police Times
जळगाव: जळगाव तालुक्यातील कुसुंबा येथील २१ वर्षीय तरूणाने राहत्या घरात गळफास घेवून आत्महत्या केल्याची घटना बुधवारी सकाळी ८ वाजता उघडकीस आली आहे. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. गोविंदा गोपाल पवार (वय-२१) रा. कुसुंबा ता. जि. जळगाव असे मृत तरूणाचे नाव आहे.
बुलढाणा जिल्ह्यातील खामगाव तालुक्यातील लखानवाडा या गावातील मूळ रहिवासी असलेला गोविंदा पवार (वय – २१) हा तरूण सध्या जळगाव तालुक्यातील कुसुंबा येथे त्याच्या बहिणीकडे आला होता. त्याची बहीण ही कुसूंबा येथे शांताराम अभिमन कोळी यांच्या घरात भाड्याच्या खोलीत वास्तव्याला होती. तो देखील तिच्यासोबत या घरात राहात होता.
गोविंदा पवार याने मंगळवारी ७ फेब्रुवारी रोजी मध्यरात्री घरात कुणीही नसतांना पार्टेशनच्या घरात लोखंडी अँगलला ओढणीने गळफास घेवून आत्महत्या केली. बुधवारी सकाळी ८ वाजता शेजारी राहणाऱ्यांच्या लक्षात आल्याने हा प्रकार उघडकीला आला. याबाबत एमआयडीसी पोलिसांना कळविण्यात आले.
हेही वाचा -कचरा वेचत होता, अचानक हाती असं काही लागलं की क्षणात व्यक्ती कोट्यधीश झाला…
माहिती मिळाल्यावर पोलिसांनी घटनास्थळी धाव घेवून पंचनामा केला. मृतदेह जिल्हा शासकीय वैद्यकीय महाविद्यालयात रवाना करण्यात आला. आत्महत्या करण्याचे कारण अद्याप समजू शकलेले नाही. याबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे.
हेही वाचा – एक-दोन नाही, २० लाखांना वळूच्या वीर्याची विक्री, इतकं पॉवरफुल आहे तरी काय?