Tej Police Times
मुंबई: बॉलिवूडचा बाहशाह शाहरुख खान याच्या पठाण या चित्रपटानं बॉक्स ऑफिसवरचे अनेक रेकॉर्ड मोडले. तेराव्या दिवशीपर्यंत चित्रपटानं जगभरात तब्बल ८६५ कोटींची कमाई केली आहे. अजूनही हा आकडा वाढतच आहे. प्रेकक्ष आण समिक्षकांकडून या चित्रपटाचं कौतुक झाल्यानंतर आता खुद्द पंतप्रधान नरेंद्र मोदी यांनीही असं काय वक्तव्य केलंय, की ज्याला ‘पठाण’शी जोडलं जात आहे. पंतप्रधान नरेंद्र मोदी यांनी कश्मिरमधल्या हाऊसफुल चित्रपटगृहांबद्दल वक्तव्य केलंय.काश्मीर खोऱ्यात चित्रपट पाहाण्यासाठी चित्रपटगृहांमध्ये जाणं सादी गोष्ट नव्हती. पण आता ही परिस्थीती बदलली आहे. यावर पंतप्रधान नरेंद्र मोदी यांनी भाष्य केलंय.
पठाणबद्दल काय म्हणाले PM Narendra Modi?
‘श्रीनगरमध्ये दशकांनंतर थिएटर्स हाऊसफुल होतायत.’ या एका ओळीनं ‘पठाण’च्या चाहत्यांना वेड लावलंय. हा व्हिडिओ शेअर करत पंतप्रधान मोदी यांनी अप्रत्यक्ष का होईना पण कौतुक केलंय, असं म्हटलं जात आहे.
दरम्यान, काही दिवसांपूर्वी पंतप्रधान नरेंद्र मोदी यांनी नेत्यांनी चित्रपटांवर बोलणं टाळायला हवं, असं म्हटलं होतं. यावेळी त्यांनी कोणत्याही अभिनेत्याचं किंवा चित्रपटाचं नाव घेतलं नव्हतं. भाजपच्या काही नेत्यांनी ‘पठाण’च्या बेशरम गाण्यावर आक्षेप घेतला होता.
बॉक्स ऑफिस कलेक्शन किती?
पठाणचे आत्तापर्यंत बॉक्स ऑफिस कलेक्शन पाहाता चित्रपटानं अनेक चित्रपटांचे रेकॉर्ड्स मोडले आहेत. १३ व्या दिवशी पठाण चित्रपटानं सुमारे ९.५० कोटी रुपयांचा व्यवसाय केला होता. पण आता नवीन आकडे आलेत त्यावरून चित्रपटाच्या कमाईत घसरण झाल्याचं दिसून येत आहे.