चाललंय काय? शुभमन गिलनंतर पुन्हा कार्तिक आर्यनला भेटली सारा? चाहत्यांची प्रतिक्रिया तर पाहा

मुंबई- कार्तिक आर्यन आणि सारा अली खान जेव्हा ‘लव्ह आज कल २’ चे शूटिंग करत होते, तेव्हा त्यांच्या अफेअरची बातमी समोर आली होती. हा चित्रपट प्रदर्शित झाला पण पुढे तो फ्लॉपही झाला. चित्रपटानंतर त्यांचे नातेही संपुष्टात आले. दोघांनीही आपल्या नात्याबद्दल कधीच सार्वजनिकरित्या फारसे बोलले नाही, परंतु त्यांच्यात काहीतरी बिनसल्याचे चाहत्यांच्या नजरेत येत होते. ब्रेकअपनंतर ते फार कमी प्रसंगी एकत्र दिसले. पण बुधवारी प्रपोज डेच्या दिवशी ते एकमेकांशी आरामात हसत खेळत बोलत असल्याचे दिसले तेव्हा चाहत्यांच्या आनंदाला पारावार उरला नाही.

कार्तिक आर्यन आणि सारा अली खानचे नवीन फोटो सोशल मीडियावर मोठ्या प्रमाणात व्हायरल होत आहेत. दोघेही सध्या उदयपूरमध्ये असून तिथूनच इन्स्टाग्राम स्टोरी शेअर केली असल्याचे म्हटले जात आहे. प्रपोज डेच्या दिवशी त्यांचे फोटो समोर येताच सोशल मीडियावर पुन्हा एकदा त्यांच्यावरुन चर्चांना उधाण आले. दोघेही एकमेकांशी बोलताना खूप आनंदी असल्याचे फोटोत स्पष्टपणे दिसून येते. त्यांना एकत्र पाहून चाहतेही खूश झाले आहेत.

एका चाहत्याने कमेंट केली की, ‘सार्थिक जादुई आहेत.’ दुसऱ्याने लिहिले, ‘काहीही बदललेले दिसत नाही. दोघांचे डोळ्यात डोळे घालून बोलणे तसेच आहे. मात्र, कार्तिकच्या काही चाहत्यांनी त्याला सारापासून दूर राहण्याची सूचनाही दिली आहे. कार्तिकची लोकप्रियता पाहून सारा त्याच्या आयुष्यात पुनरागमन करत असल्याचे चाहते म्हणत आहेत.

करण जोहरने केला होता खुलासा

गेल्या वर्षी करण जोहरने ‘कॉफी विथ करण ७’ मध्ये कार्तिक आणि सारा एकमेकांना डेट केल्याचा खुलासा केला होता. नंतर कार्तिकला त्याच्या रिलेशनशिपबद्दल विचारण्यात आले तेव्हा आपण सिंगल असल्याचे तो म्हणाला.

कार्तिक आणि साराच्या कामाबद्दल बोलायचे झाले तर कार्तिक आर्यन ‘फ्रेडी’ चित्रपटानंतर ‘शेहजादा’मध्ये दिसणार आहे. यात क्रिती सेनॉनही मुख्य भूमिकेत आहे. याशिवाय कार्तिककडे ‘सत्यप्रेम की कथा’ हा चित्रपटदेखील आहे. दुसरीकडे साराबद्दल बोलायचे झाले तर ती विकी कौशलसोबत एका चित्रपटात दिसणार आहे. याशिवाय ती विक्रांत मेसीसोबत ‘गॅसलाइट’ नावाच्या चित्रपटातही दिसणार आहे.

करण जोहर, शाहीद कपूरची एअरपोर्टवर झलक; कियारा-सिद्धार्थच्या लग्नासाठी जैसलमेरमध्ये