Tej Police Times
नांदेड शहराच्या माळटेकडी परिसरातील नुरी चौक भागात शेख इरफान शेख गुड्डू (वय २५, रा. मगदूमनगर, नई आबादी नांदेड) आणि त्याचा मित्र पार्टी करत बसले होते. थोड्यावेळात खाण्यापिण्याच्या कारणावरून दोघांमध्ये वाद झाला. यावेळी आरोपी मित्राने शेख इरफान शेख गुड्डू याच्यावर आपल्याजवळ असलेल्या गावठी कट्ट्यातून फायरिंग केली. यात शेख इरफान याच्या पोटाला गोळी लागली आहे.
५ जणांवर अन्याय करून एवढी मेहरबानी कशासाठी? उपकर्णधाराचे रेकॉर्ड बघून तुम्हीच ठरवा संघात काय चाललंय
या घटनेची माहिती समजताच विमानतळाचे पोलीस अधिकारी यांच्यासह वरिष्ठ अधिकाऱ्यांनी घटनास्थळ गाठले. जखमी शेख इरफान याला विष्णुपुरीच्या रुग्णालयात दाखल करण्यात आले. त्याच्यावर शस्त्रक्रिया करण्यात येत असून प्रकृती गंभीर असल्याचे रुग्णालय सूत्राने सांगितले. शहराच्या इतवारा पोलीस ठाण्याच्या हद्दीत दोन फायरिंगच्या घटना ताज्या असतानाच पुन्हा नांदेड शहरामध्ये विमान ठाण्याच्या हद्दीत फायरिंगची घटना घडल्याने भीतीचे वातावरण निर्माण झाले आहे. या प्रकरणी विमानतळ पोलिस ठाण्यात गुन्हा दाखल करण्यात आला आहे.
PM मोदी आज मुंबईत; वाहतूक मार्गात मोठे बदल, ‘हे’ रस्ते बंद राहणार, पर्यायी मार्ग जाणून घ्या