Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
म्हणून मी अजितदादांचं आणि उद्धव ठाकरेंचंही ऐकलं नाही, राहुल कलाटेंनी सांगितलं खरं कारण!
चिंचवड पोटनिवडणुकीसाठी अर्ज मागे घेण्याची आज शेवटची तारीख होती. दुपारी तीन वाजेपर्यंत राहुल कलाटे अर्ज मागे घेतील, अशी शक्यता होती. कारण गेली तीन दिवस अजित पवार, उद्धव ठाकरे यांनी जातीने लक्ष घालून, कलाटे यांच्याशी वारंवार संपर्क ठेऊन अर्ज मागे घेण्यासंबंधी सूचना करत होते. परंतु चिंचवडच्या जनतेने मला लढण्यासाठी बळ दिलंय. मी लढावं, असा त्यांचा रेटा आहे. लोकांना धुडकावून मी पुढे जाऊ शकत नाही. मी पूर्ण ताकदीने चिंचवडची पोटनिवडणूक लढवणार, अशी प्रतिक्रिया राहुल कलाटे यांनी दिलीये.
उद्धव ठाकरेंचा अवमान करायचा नव्हता पण…….
राष्ट्रवादी आणि शिवसेनेने मी माघार घ्यावी म्हणून भरपूर प्रयत्न केले. अजितदादांनी देखील मला माघार घेण्याच्या सूचना केल्या. उद्धव ठाकरे यांनीही मला फोन केला. शिवसेनेचे संपर्कप्रमुख सचिन अहिर यांना माझ्या भेटीसाठी पाठवलं. पण चिंचवडच्या रणांगणात शड्डू ठोकण्यासाठी माझे कार्यकर्ते प्रचंड उत्सुक होते. काहीही करुन ही जागा सोडायची नाही, असा त्यांचा आग्रह होता. ज्या जनतेने लक्ष्मण भाऊ असताना माझ्या पारड्यात १ लाख १२ हजार मतांचं दान टाकलं, त्या जनतेच्या ऋणातून उतराई होण्यासाठी मला त्यांचे प्रश्न सोडवायला हवेत. त्यांचे प्रश्न तडीस लावण्यासाठी मला विधानसभेत पाऊल टाकायला हवं. कार्यकर्ते आणि माझ्या साथीदारांच्या प्रचंड रेट्यामुळे मला ही विधानसभा लढवावी लागतीये. उद्धव ठाकरेंचा अनादर करण्याचा विषय नव्हता. पण कार्यकर्त्यांच्या भावनांचा अनादर करु शकत नव्हतो, असं राहुल कलाटे यांनी सांगितलं.
जगतापांनाही घाम फोडला, राष्ट्रवादीला धडकी भरवली, ठाकरेंचंही ऐकलं नाही, राहुल कलाटेंची नक्की ताकद किती?
चिंचवडचे दिवंगत आमदार लक्ष्मण जगताप यांच्या निधनानंतर पोट निवडणूक जाहीर झाली. त्यात भाजपकडून लक्ष्मण जगताप यांच्या पत्नी अश्विनी लक्ष्मण जगताप तर मविआकडून नाना काटेंनी अर्ज भरलाय. या निवडणुकीत मविआकडून आयत्या वेळी नाना काटेंना उमेदवारी दिल्याने राहुल कलाटेंनी ही पोटनिवडणूक मनावर घेतलीय. अजितदादांनी आपला खास माणूस मैदानात उतरवलेला असताना राहुल कलाटेही ताकदीने लढणार असल्याने ही निवडणूक चुरशीची होणार हे नक्की…
Chinchwad bypoll: लढणार की माघार घेणार, भूमिका गुलदस्त्यात, चिंचवडमध्ये राहुल कलाटेंनी सस्पेन्स वाढवला
कोण आहेत राहुल कलाटे?
- मास लीडर म्हणून राहुल कलाटे यांची ओळख
- राहुल कलाटे मूळचे शिवसैनिक, बांधकाम व्यावसायिक म्हणून लोकप्रिय आहेत
- राहुल कलाटे यांनी शिवसेनेत शहराध्यक्ष, उपनेता अशी पद भूषविली आहेत
- पिंपरी महापालिकेत नगरसेवक, शिवसेनेच्या गटनेतेपदंही भूषवलं
- कलाटे यांनी शिवसेनेकडून २०१४ ला विधानसभा लढली, पण त्या निवडणुकीत त्यांचा पराभव
- २०१९ मध्ये भाजप-शिवसेनेच्या युतीत कलाटे यांनी बंडखोरी केली
- २०१९ ची विधानसभा निवडणूक अपक्ष उमेदवार म्हणून लढवली होती, पण त्यातही पराभव
- लक्ष्मण जगताप यांच्यासमोर तगडं कलाटे यांनी १ लाख १२ हजार मतं घेऊन आव्हान उभं केलं
- त्यामुळे कलाटे यांचा मतदारसंघातही दांडगा जनसंपर्क