Tej Police Times
याबाबत राष्ट्रवादीचे आमदार यशवंत माने यांनी पुणे सायबर पोलीस ठाण्यात तक्रार दाखल केली होती. याप्रकरणी रिजवान अस्लम खान (वय २४ रा. राजस्थान मधील भरतपूर) येथून पोलिसांनी आरोपीच्या मुसक्या आवळल्या आहेत.
आमदार यशवंत माने यांनी दिलेल्या माहितीनुसार, सोशल मीडियावरुन माझा नंबर घेऊन, मला संबंधित आरोपी अश्लील संदेश पाठवायचा. तसेच तो मला व्हिडिओ कॉल, फेसबुक-व्हाट्सअॅप वरून सर्वत्र अश्लील मेसेज पाठवून माझी बदनामी करण्याच्या उद्देशाने कृत्य करत राहिला. तसेच नंतर एक लाख रुपयांच्या खंडणीची मागणी केली. या संपूर्ण प्रकरणाची मी पोलिसांत तक्रार केली असून पोलीस अधिक चौकशी करत आहेत, अशी माहिती आमदार यशवंत माने यांनी दिली.
याबाबत पोलिसांनी दिलेल्या माहितीनुसार, अटक करण्यात आलेल्या आरोपीचे नाव रिजवान अस्लम खान असून त्याच्याकडे प्राथमिक तपास केला असता सदर गुन्ह्यात सक्रिय सहभाग निष्पन्न झाला आहे. त्यानंतर त्याला अटक करण्यात आली असून सदर आरोपीकडून एकूण चार मोबाईल, सीम कार्ड जप्त करण्यात आले आहेत. आरोपीकडून जप्त केलेल्या मोबाईलमध्ये स्क्रीन रेकॉर्ड केलेले ९० अश्लील व्हिडिओ आढळून आलेले आहेत. सदर आरोपीस पाच दिवसांची पोलिस कोठडी दिलेली असून सदर केसचा तपास पोलीस निरीक्षक बलभीम ननवरे करीत आहेत.