Tej Police Times
अमरावती : एकतर्फी प्रेमातून कोण काय करेल? कुठे पोहोचेल, कुणाला धमकी देईल, याची काही शाश्वती देता येत नाही. अमरावतीत एका ‘वनसाईड लव्ह’ प्रकरणात एक मजनू चक्क ‘प्रेयसी’च्या होणाऱ्या सासरी पोहोचला. लग्न करून तुम्ही तिला सून म्हणून घरात आणाल, तर मी जिवाचे बरेवाईट करेन, अशी धमकीच आरोपीने चक्क तरुणीच्या होणाऱ्या सासूबाईंना दिल्याने घरचे चांगलेच हादरले आहेत. अखेर या मजूनच्या एकतर्फी प्रेमाचा मार्ग थेट पोलिस ठाण्यात पोहोचला.
फिर्यादींच्या तक्रारीनुसार, विशाल यादव व तरुणी परस्परांच्या परिचयातील आहेत. मात्र आरोपी संबंधित तरुणीचा घरापर्यंत पाठलाग करायचा. तिच्याशी बोलण्याचा प्रयत्न करत असे.
दरम्यान, एके दिवशी ही बाब तरुणीच्या लक्षात आली. सामाजिक बदनामी टाळण्यासाठी तिने त्याला पाठलाग का करतोस? अशी विचारणा केली. त्यावर माझे तुझ्यावर प्रेम आहे, मला तूच हवी आहेस, मला तुझ्याशीच लग्न करायचे आहे, असा तो बडबडला. त्यावर तिने त्याला ठामपणे नकार दिला. मात्र तिची भूमिका समजून न घेता त्याने एकतर्फी प्रेमातून त्याचे पोरकट चाळे सुरूच ठेवले.
रात्रभर चुलत बहिणीच्या लग्नाचा स्वयंपाक, पहाटे भावाने लिंबाच्या झाडावर आयुष्य संपवलं
तरुणीचे लग्न जुळल्याची बाब विशालला माहिती झाली. त्यामुळे तो एके रात्री साडे अकरा वाजण्याच्या सुमारास तरुणीच्या नियोजित सासरी पोहोचला आणि त्याने अक्षरशः धिंगाणा घातला. तिचे लग्न झाले आहे, तिला सून म्हणून तुम्ही घरी आणले, तर त्या क्षणी मी आत्महत्या करेन, अशी धमकी त्याने दिल्याने तिच्या सासरची मंडळी चांगलीच हादरली होती.
पदयात्रेत नांदेडला आलेल्या मायलेकी बेपत्ता, तलावात काहीतरी तरंगताना दिसलं न् गूढ उकललं
ही घटना तरुणीच्या होणाऱ्या सासूने तरुणीला फोन कॉल करून सांगितली. त्या घटनेने दोन्ही कुटुंबीय डिस्टर्ब झाले आहेत. अखेर तरुणीनेच पोलिस ठाणे गाठत त्याच्या विरुद्ध तक्रार केल्याने पोलिसात गुन्हा दाखल करण्यात आला आहे.
गप्प राहा नाहीतर व्हिडिओ व्हायरल करू; अशा मला धमक्या येतायत | राखी सावंत