देवेंद्र फडणवीस- पंकजा मुंडेंमधील कथित मतभेद मिटले?, एकाच वाहनातून बैठकीला आल्याने चर्चा

नाशिक : गेल्या अनेक महिन्यांपासून भाजपामध्ये पंकजा मुंडे आणि देवेंद्र फडणवीस यांच्यामध्ये छुपे मतभेद असल्याच्या चर्चा राजकीय वर्तुळात आहेत. दरम्यान पंकजा मुंडे आणि देवेंद्र फडणवीस एकाच गाडीतून कार्यक्रमस्थळी आल्याचे दृश्य नाशिकमध्ये पाहायला मिळाले आहे.

गेल्या काही दिवसांपासून भाजपच्या नेत्या पंकजा मुंडे या पक्षावर नाराज असल्याची चर्चा आहे. उपमुख्यमंत्री देवेंद्र फडणवीस यांनी हजेरी लावलेल्या कार्यक्रमांपासून पंकजा मुंडे जाणीवपूर्वक पाठ फिरवत असल्याचे देखील बोलले जात होते. तर देवेंद्र फडणवीस आगामी काळात बीडमध्ये पंकजा मुंडे यांना शह देण्यासाठी जिल्ह्यात नवं नेतृत्त्व उभं करण्याच्या तयारीत असल्याची कुजबुज सुरू झाली होती. या सर्व घडामोडींमुळे या चर्चांना आणखी उधाण आले होते.

दरम्यान एकीकडे राज्याचे उपमुख्यमंत्री देवेंद्र फडणवीस आणि राष्ट्रीय सचिव पंकजा मुंडे यांच्यात बेबनाव असल्याचे बोलले जात असले. तरी दुसरीकडे मात्र, नाशिकमध्ये सुरू असलेल्या भाजपा कार्यकारणीच्या बैठकीला ते दोघेही एकाच गाडीतून आल्याचे पाहायला मिळाले. त्यांनी कार्यकारिणी बैठकीला एकत्र एका गाडीत येत एक वेगळा संदेश दिला असल्याचे बोलले जात आहे.

रविकांत तुपकर यांचा गनिमीकावा, पोलिसांच्या वेशात येत अंगावर रॉकेल ओतून घेतले, उडाली एकच धांदल… पाहा व्हिडिओ

गेल्या अनेक दिवसांपासून भाजप नेत्या पंकजा मुंडे यांच्या नाराजीच्या चर्चा सुरू आहे. पंकजा मुंडे यांना डावलण्यात येत असल्याच्याही चर्चा होत्या. देवेंद्र फडणवीस आणि राष्ट्रीय सचिव पंकजा मुंडे यांच्यात बेबनाव असल्याचे बोलले जात होते. मात्र नाशिक येथे सुरू असलेल्या कार्यकारिणी बैठकीच्या वेळी या दोघांनी एकाच गाडीतून आगमन केले आहे. त्यामुळे त्यांच्यात असलेली नाराजी दूर झाली का ?, अशा चर्चा आता ऐकू येत आहेत.

पंकजा मुंडे या भाजपमध्ये नाराज असल्याच्या चर्चा अनेक दिवसांपासून आहेत. फडणवीस सरकार गेल्यानंतर भाजपने त्यांना विधान परिषदेवर पाठवले नाही, हे एक कारण सांगितले जाते. तसेच आता महाविकास आघाडीचे सरकार जाऊन शिंदे-फडणवीसांचे सरकार सत्तेत असतानाही त्यांना डावलण्यात आल्याने त्या नाराज असल्याचे बोलले जात होते. त्यांना डावलले जात असल्याच्या चर्चांना भाजप प्रदेशाध्यक्ष चंद्रशेखर बावनकुळे यांनीही दुजोरा दिलाच होता.

पती हॉटेलमध्ये गर्लफ्रेंडसोबत करत होता व्हॅलेंटाइन वीक साजरा, पत्नीने पकडून बदड बदड बदडले
पंकजा मुंडे यांना डावलण्यात येत असल्याच्या आणि त्या नाराज असल्याच्या चर्चा होत असताना चंद्रशेखर बावनकुळे यांनी केलेल्या एका वक्तव्यामुळे राजकीय वर्तुळात खळबळ उडाली होती. पक्षातीलच काही लोक पंकजा मुंडेंना आणि पक्षाला बदनाम करत असल्याचा आरोपच बावनकुळे यांनी केला होता. ‘आमच्याच पक्षातील काही लोक पंकजा मुंडेंसह पक्षाची बदनामी करत आहेत. कोणीतरी हे जाणीवपूर्वक करण्याचा प्रयत्न करत आहे.’ असं बावनकुळे म्हणाले होते.

गौतम अदानींना सर्वात मोठा झटका; बड्या फ्रेंच कंपनीने ५० अब्ज डॉलर्सचा प्रकल्प थांबवला