प्रसुतीसाठी दवाखान्यात, पण त्याआधीच पोलिसांच्या हातावर तुरी देऊन गायब, बीडमधला प्रकार

याच केसमध्ये पूजा पोलिसांच्या ताब्यात होती. परंतु ९ महिन्यांची गर्भवती असल्याने तिला बीडच्या जिल्हा रुग्णालयात दाखल करण्यात आलं होतं. गेली २ दिवस पोलिसांच्या तावडीतून निसटण्याचा प्लॅन तिच्या डोक्यात सुरु होता. जिल्हा रुग्णालयात दाखल केल्यानंतर महिला पोलीस कर्मचाऱ्याचा डोळा चुकवून तिने तेथून पळ काढला.

पूजा बीड जिल्हा रुग्णालयातून कशी पळाली?

पोलिसांच्या ताब्यात असलेली पूजा गर्भवती असल्याने तिला बीड जिल्हा रुग्णालयात दाखल करण्यात आले होते. लघुशंकेला जाण्याचा बहाणा करून ती वॉशरुमकडे गेली. पोलिसांचं लक्ष चुकवून तिने तिथूनच पोबारा केला. अर्धा तास झालं तरी पूजा आली नसल्याने महिला पोलीस कर्मचाऱ्यांनी वॉशरुमकडे धाव घेतली. नंतर पूजाने पलायन केल्याचं त्यांच्या लक्षात आलं.

पोलिसांच्या हातावर तुरी देणारी पूजा लग्नाळू तरुणांच्या फसवणुकीचे गुन्हे करणारी सराईत आरोपी आहे. बीड शहर, नेकनूर, बैठाणा ठाण्यातील विविध गुन्ह्यात तिला पोलिसांनी बेड्याही ठोकल्या होत्या. औरंगाबादच्या पैठण पोलीस स्टेशनमध्ये तिच्यासह तिचा पती कचरूलाल तुळशीराम निलपत्रेवार याच्यावर गुन्हा नोंद आहे.