पुण्यात पर्यटकाचा दुर्दैवी मृत्यू, राजगडावरून खाली येत होता, अचानक चक्कर येऊन पडला

पुणे: वेल्हे तालुक्यात असणाऱ्या किल्ले राजगड येथे पर्यटनासाठी आलेल्या तरुणाचा किल्ल्याच्या पायथ्याशी हृदयविकाराच्या झटक्याने मृत्यू झाल्याची धक्कादायक घटना घडली आहे. या तरुणाचा वाचवण्याचे पुरातत्व विभागाने वाचविण्याचे प्रयत्न केले. मात्र त्यांच्या प्रयत्नांना यश आले नाही. या घटनेने एकच खळबळ उडाली आहे. रविवारी (काल) दुपारच्या सुमारास ही घटना घडली.

दीपक दिनकरराव सुकळीकर (वय ३५ , राहणार- भुकूम, तालुका- मुळशी) असे मृत पावलेल्या तरुणाचे नाव आहे. या घटनेमुळे राजगड किल्ल्यावर एकच शोककळा पसरली होती.

चार पैकी २ मुलं झाली बेपत्ता; चार दिवसांनी दिसले धक्कादायक दृश्य, पालकांच्या पायाखालची जमीनच सरकली
याबाबत अधिक माहिती अशी की, राजगड किल्ल्यावर दीपक हा त्याच्या काही मित्रांसोबत फिरायला आला होता. किल्ल्यावर गर्दी असल्याने दीपक हा किल्ल्यावरून खाली येत असताना चक्कर येऊन पडला. याची माहिती काही व्यक्तींनी पुरातत्व विभागाच्या कर्मचाऱ्यांना दिली. त्यानंतर लगेच पुरातत्व विभागाच्या कर्मचाऱ्यांनी घटनास्थळी धाव घतेली.

चक्कर आलेल्या व्यक्तीला स्ट्रेच्रच्या सह्याने राजगडाच्या जवळ असलेल्या खंडोबा माळ येथे आणले गेले. त्यानंतर त्याला पुढील उपचारासाठी वेल्हे येथील रुग्णालयात दाखल करण्यात आले. मात्र उपचाराला त्याने प्रतिसाद दिला नाही. त्यानंतर डॉक्टरांनी त्याला मृत घोषित केले.
Pune Crime: छळाला कंटाळली, सुनेने सासूचा वचपा काढायचे ठरवले, रचला भलताच बनाव, पोलिसही चक्रावले
गडावर प्रथमोपचाराची काहीच व्यवस्था नाही

किल्ले राजगड व तोरणा गडावर पर्यटकांची वरदळ दिवसेंदिवस वाढत आहे. परंतु प्राथमिक उपचाराचे साहित्य या ठिकाणी उपलब्ध नसून स्ट्रेचरची सुद्धा दुरवस्था झाली आहे. पुरातत्त्व विभागाने या ठिकाणी तातडीने या सुविधा उपलब्ध करून देण्यात यावा अशी मागणी पर्यटकांकडून करण्यात आली आहे. पर्यटकांनी देखील फिरायला येताना स्वतच्या काळजी घेऊन यावे तसेच आपल्याला आजार असल्यास डॉक्टरांच्या सल्ल्याने ट्रेकिंग करावी असे आवाहन करण्यात आले आहे.
उद्धव ठाकरेंच्या राजीनाम्यासाठी ‘ते’ रात्री साडेदहापर्यंत जागे होते, डॉ. गोर्‍हेंनी सांगितली कोश्यारींची आठवण