तरुणीच्या ‘त्या’ इच्छेमुळे कॉलबॉय वैतागला, न्यूड फोटो बाहेर, सोलापुरात तरुणावर गुन्हा

सोलापूर : सोलापुरातील एमआयडीसी पोलीस ठाण्यात एका तरुणीने २२ वर्षीय कॉल बॉयच्या विरोधात बलात्काराची फिर्याद दिली आहे. संजय बेत (रा. सोलापूर) याच्या कलम ३७६, ३७६ (२) (i), ६६ (ई), ६७ (अ) आयटी अॅक्टप्रमाणे गुन्हा दाखल झाला आहे. संजयने तक्रारदार तरुणीला लग्नाचे आमिष दाखवून तिच्यावर लैंगिक अत्याचार केल्याचा आरोप आहे. तर आरोपीसोबत लग्न करण्याची तरुणीची इच्छा होती, मात्र तिच्या सततच्या तगाद्याला चिडून तरुणाने तिचे नग्न फोटो सोशल मीडियावर व्हायरल केल्याचाही दावा केला जात आहे.

जवळपास दोन वर्षांपासून तरुणी आणि कॉलबॉयची ओळख होती. ओळखीचे रुपांतर प्रेमात झाले. लग्नाचे आमिष दाखवून आरोपीने तिच्यासोबत शरीरसंबंध प्रस्थापित केले. त्यानंतरणे तरुणीचे नग्न फोटो मोबाईलमध्ये काढले. तरुणीने लग्नाचा तगादा लावताच तिचे नग्न फोटो फेसबुकवर अपलोड केले. हे पाहून तरुणीला मोठा धक्का बसला, मात्र तिने हिंमत करुन घडला प्रकार आईला सांगितला. मामासोबत तरुणीने सोलापूर शहरातील एमआयडीसी पोलीस ठाण्यात ११ फेब्रुवारी रोजी फिर्याद दिली आहे. एमआयडीसी पोलिसांनी हा गुन्हा वळसंग पोलीस ठाण्याकडे वर्ग केला आहे.

फेसबुकवर ओळख

सोलापुरातील संजय बेत या तरुणाने फेसबुकवर स्वतःचा आयडी तयार केला आहे. त्यावर ‘मी कॉल बॉय आहे. मी रिलेशनशिप करायला तयार आहे’ असा स्पष्टपणे उल्लेख करत स्वतःचा संपर्क क्रमांक दिला आहे. इतकी माहिती प्रसिद्ध करुन देखील एक तरूणी त्याच्या प्रेमात पडली. दोन वर्ष ती मित्र म्हणून कॉलबॉयच्या संपर्कात होती. १३ जानेवारी २०२२ रोजी लग्नाचे आमिष दाखवून त्या त्याने तरुणीवर बलात्कार केल्याचा आरोप आहे. तिचे नग्न फोटोही मोबाईलमध्ये चित्रित केले.

रात्रभर चुलत बहिणीच्या लग्नाचा स्वयंपाक, पहाटे भावाने लिंबाच्या झाडावर आयुष्य संपवलं
लग्नाचा तगादा लावल्याने कॉल बॉय चिडला होता

पीडित तरूणीने कॉल बॉय संजय बेतच्या मागे लग्नाचा तगादा लावला होता. घरच्यांना बोलून आपण लग्न करु, अशी मागणी ती करत होती. पण आरोपी तिला लग्नास नकार देत, असेच संपर्कात राहू असे सांगत होता. तरूणीने वारंवार केलेल्या लग्नाच्या मागणीवरून संजयने पीडित तरूणीशी संपर्क तोडला होता. काही महिन्यांनंतर त्याने पीडितेला बोलावले. त्यावेळी तरूणीने कॉल बॉय संजयसोबत जाण्यासाठी नकार दिला. त्यामुळे त्याने नग्न फोटो सोशल मीडियावर व्हायरल करण्याची धमकी दिली होती.

अखेर त्या कॉल बॉयने नग्न फोटो केले व्हायरल

पीडित तरूणी ६ फेब्रुवारी २०२३ रोजी राहत्या घरी असताना तिने संजय बेतचे फेसबुक अकाऊंट तपासले. त्यावेळी तिच्या लक्षात आले की, संजय बेतने फोटो अपलोड केले आहेत. चेहऱ्यावर ओळख लपवण्यासाठी स्टिकर लावले आहे. त्याखाली धमकीवजा संदेश दिला आहे. हे फोटो पाहून पीडित तरूणीच्या पायाखालची जमीन सरकली. पीडित तरुणीने धाडस करून घडलेली सर्व हकीकत आईला सांगितली. आई व मामाने पीडित तरुणीला दिलासा देत ११ फेब्रुवारी रोजी रात्री सोलापूर शहरातील एमआयडीसी पोलीस ठाणे गाठले आणि फिर्याद दिली. पोलिसांनी ताबडतोब गुन्हा नोंद करून ,वळसंग पोलीस ठाण्याकडे गुन्हा वर्ग केला आहे. वळसंग पोलीस याचा अधिक तपास करत आहेत.

बीडचे आमदार संदीप क्षीरसागर यांच्या मामांचे निधन, हायवेवर गाडी चार वेळा उलटून चक्काचूर