Pune News: शरद पवारांच्या निकटवर्तीयाच्या कार्यालयावर इन्कम टॅक्स विभागाची धाड

By tejpolicetimes On Feb 15, 2023

Pune local news | गेल्या काही दिवसांमध्ये आयकर विभागाकडून देशाच्या अनेक भागांमध्ये धाडी टाकल्या जात आहेत. कालच बीबीसी वृत्तसंस्थेच्या कार्यालयात आयकर विभागाचे कर्मचारी धडकले होते.

IT raids in Pune — आयकर विभागाच्या पुण्यात धाडी

हायलाइट्स:

पुण्यात सहा ठिकाणी आयकर खात्याची छापेमारी
अनिरुद्ध देशपांडे यांच्या कार्यालयावर छापा

पुणे: राष्ट्रवादी काँग्रेसचे सर्वेसर्वा शरद पवार यांचे निकटवर्तीय अनिरुद्ध देशपांडे यांच्या कार्यालयावर आयकर विभागाने धाड टाकली आहे. प्राथमिक माहितीनुसार, आयकर विभागाने पुण्यात एकूण सहा ठिकाणी छापे टाकले आहेत. यामध्ये अनिरुद्ध देशपांडे यांच्या कार्यालयाचाही समावेश आहे. आता या धाडसत्रातून काय निष्पन्न होणार, ते पाहावे लागेल. अनिरुद्ध देशपांडे हे शरद पवारांच्या जवळच्या वर्तुळातील असल्याने आयकर विभागाच्या कारवाईकडे अनेकांच्या नजरा लागल्या आहेत. आयकर विभागाने मंगळवारी बीबीसी वृत्तसंस्थेच्या दिल्ली आणि मुंबईतील कार्यालयांमध्ये सर्वेक्षण केले होते. आयकर विभागाच्या या कारवाईमुळे एकच खळबळ उडाली होती. यानंतर आज आयकर विभागाकडून पुण्यात छापे टाकण्यात आले आहेत.

महत्वाचे लेखअजितदादा म्हणाले एकदिलाने लढू, पण रवींद्र धंगेकरांच्या बॅनर्सवर राष्ट्रवादी गायब, मविआत वादाची ठिणगी

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Source link