Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई: मीच बॉलिवूडचा किंग आहे, हे अभिनेता शाहरुख खान यानं पुन्हा दाखवून दिलं आहे. गेल्या दोन-तीन वर्षांपासून बॉलिवूड ‘बॉयकॉट’ट्रेंडमुळं संकटात सापडलं होतं. बॉक्स ऑफिसवरचे रेकॉर्ड मोडणारा अभिनेता म्हणून ओळख असेलल्या आमिरला या ट्रेंडचा फटका बसला. पण शाहरुखच्या ‘पठाण’नं मात्र बॉक्स ऑफिसवरचे अनेक रेकॉर्ड मोडले आहेत. सिद्धार्थ आनंद यांनी दिग्दर्शित केलेल्या या चित्रपटाच्या कमाईनं सगळ्यांनाच मोठा धक्का दिला आहे. आता तर ‘पठाण’च्या कमाईनं चक्क बाहुबलीचा रेकॉर्ड मोडला आहे. शाहरुखच्या ‘पठाण’ चित्रपटानं ब्लॉकबस्टर ठरेलल्या ‘बाहुबली २’ला मागे टाकत नवा इतिहास रचला आहे.
इतकंच नाही तर ‘पठाण’ हा शाहरुख ,दीपिका पादुकोण, जॉन अब्राहम या तिघांच्या करिअरमधलाही सर्वात जास्त कमाई करणारा सिनेमा ठरला आहे.
SRK आनंदात
‘पठाण’ या सिनेमाच्या यशानं शाहरुख खान सध्या आनंदात आहे. या यशानं आता चाहते त्याच्या आगामी सिनेमाची वाट पाहत आहेत. शाहरुख सलग तीन चित्रपटांत दिसणार आहे. ‘जवान’ हा त्याचा चित्रपट तयार असून, त्याचं दिग्दर्शन दाक्षिणात्य दिग्दर्शक अटली यानं केलं आहे. यात नयनतारा शाहरुखची नायिका आहे.
‘डंकी’ ची उत्सुकता
याशिवाय शाहरुख राजकुमार हिरानी यांच्या ‘डंकी’ या चित्रपटातही दिसणार आहे. नावामुळं या चित्रपटाबद्दल चाहत्यांना उत्सुकता आहे. यात तापसी पन्नू त्याची नायिका आहे. या चित्रपटाचं बरचसं चित्रीकरण पूर्ण झालं आहे. चाहत्यांशी गप्पा मारताना शाहरुखनं दिग्दर्शक हिरानी यांचं कौतुक केलं आहे. ‘
सिद्धार्थ शुक्लाच्या मृत्यूनंतर पहिल्यांदा व्यक्त झाली माऊली; म्हणाल्या- ‘माझ्या मुलामुळेच मला…’
डंकी’बद्दल आणखी माहिती सांग असं चाहत्यानं विचारताच शाहरुख म्हणाला, ‘मी स्वतःला नशीबवान समजतो कारण मला राजकुमार हिरानी यांच्यासारख्या दिग्दर्शकासोबत काम करण्याची संधी मिळाली. अनेकदा हा योग जुळून येता येता राहिला. एका वेगळ्या आणि हट के सिनेमातून मला चाहत्यांसमोर येण्याची संधी मिळाली आहे. या निमित्तानं चाहत्यांनाही काही वेगळं पाहायला मिळेल.’