देशाचा पंतप्रधान होण्याची इच्छा बाळगणारे अभिजित बिचुकले कोणत्या शाळेत शिकले? जाणून घ्या

अभिजित बिचुकले हे सातारा जिल्ह्यातल्या बिचुकले गावचे आहेत. अभिजित जयसिंगराव आवाडे बिचुकले असे त्यांचे पूर्ण नाव आहे. २८ डिसेंबर १९७६ रोजी बिचुकले गावात त्यांचा जन्म झाला आणि येथूनच त्यांनी शालेय शिक्षण पूर्ण केले.

तर पुढील शिक्षणासाठी ते कोल्हापुरात आले होते आणि येथील शिवाजी विद्यापीठातून पदवीचे शिक्षण पूर्ण केल्याचे समजते. त्याचवेळी त्यांनी लाल बहादूर शास्त्री महाविद्यालयातूनही शिक्षण घेतले. १९९७ मध्ये कोल्हापुरच्या शिवाजी विद्यालयातून ते पदवीधर झाले. त्यानंतर २००१ साली साताऱ्याच्या लाल बहादुर शास्त्री कॉलेजमधून त्यांनी इंग्रजी हा मुख्य विषय घेऊन ऑनर्ससह पदवी मिळविली.

२०१९ च्या लोकसभा निवडणुकीत त्यांनी सातारा मतदारसंघातून अपक्ष निवडणूक लढविली. महापालिका निवडणुकीतही त्यांनी सहभाग घेतला आहे. आपण कवी, गायक आणि संगीतकार असल्याचे ते सांगतात.

अभिजित बिचुकले यांना एक दिवस देशाचे पंतप्रधान आणि राष्ट्रपती व्हायचे आहे. याबद्दल ते सतत माध्यमांना सांगत असतात.