Success Story: पूर्णवेळ नोकरी करत UPSCची तयारी, रेणू राज पहिल्याच प्रयत्नात बनली IAS

रेणू राज यांनी केरळमधील कोट्टायम येथील सेंट तेरेसा उच्च माध्यमिक विद्यालयातून शालेय शिक्षण पूर्ण केले. यानंतर त्यांनी कोट्टायम येथील शासकीय वैद्यकीय महाविद्यालयातून वैद्यकशास्त्राचे शिक्षण घेतले. रेणू राजचे वडील निवृत्त सरकारी कर्मचारी तर त्यांची आई गृहिणी आहे. रेणूला दोन बहिणी असून दोघीही व्यवसायाने डॉक्टर आहेत.

आयएएस अधिकारी बनणे हे माझे बालपणीचे स्वप्न होते. सर्जन म्हणून काम करत असताना सामान्य लोकांसाठी काहीतरी करायची जाणिव मला झाली. मला सामान्यांचे जीवन चांगले बनवायचे आहे आणि तेव्हाच मी आयएएस अधिकारी बनण्याचा निर्णय घेतल्याचे रेणू राज यांनी मुलाखतीदरम्यान सांगितले.

‘मला वाटले की एक डॉक्टर असल्याने मी ५० किंवा १०० रुग्णांना मदत करू शकेन, पण नागरी सेवा अधिकारी म्हणून माझ्या एका निर्णयाचा हजारो लोकांना फायदा होईल, असेही त्या पुढे सांगतात.