Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
बारावी गणिताचा पेपर व्हायरल करणाऱ्यांमध्ये गजानन आडे आणि गोपाल शिंगणे हे दोघे स्वतःच्याच शिक्षण संस्थांचे संचालक असून तेथेच शिक्षक म्हणून कार्य करत होते. त्याचप्रमाणे अ. अकील अ. मुनाफ हा जाकीर हुसेन उर्दू स्कूल, लोणार येथे प्राचार्य होता आणि अंकुश चव्हाण हा सेंट्रल पब्लिक स्कूल आणि ज्युनिअर कॉलेज येथे कार्यरत होता.
कॉपी प्रकरणात ‘विशेष लक्ष’ घालणे या चारही शिक्षकांना आता चांगलेच महागात पडले आहे. राज्यभर हे प्रकरण गाजले असून विधानसभेतही विरोधी पक्षनेते अजित पवार यांनी पेपर फुटीचे प्रकरण रेटून धरले. त्यानंतर शासनाने तातडीने सुत्रे हलवली. प्रशासनाकडून प्रश्नपत्रिका व्हायरल करणाऱ्यांची शोधमोहिम सुरू करण्यात आली. दरम्यान, या प्रकरणात हे चार शिक्षक आणि कॉपी पुरवण्यासाठी प्रश्नपत्रिका व्हायरल करणाऱ्या बाहेरच्या तीन जणांना साखरखेर्डा पोलिसांनी अटक केलीय.आता या प्रकरणाचा सखोल तपास विशेष पथकाकडून करण्यात येत आहे.
पेपरफूटी प्रकरण एसआयटीकडे वर्ग करण्यात आल्यानंतर यामध्ये मोठ्या घडामोडी घडत आहे. चार शिक्षक निलंबित झाले, सात आरोपींना अटक झाली. पण तरी देखील मुंबई आणि राज्यात इतरत्र असलेल्या कनेक्शनच्या मास्टर माइंडपर्यंत गृह विभाग, पोलीस खाते केव्हा पोहोचणार? याकडे लक्ष लागले आहे.