Tej Police Times
Raghav Chadha Career: बॉलिवूड अभिनेत्री परिणीती चोप्रा आणि राघव चड्डा यांच्या लग्नासंदर्भातील चर्चा सध्या सुरु आहेत. दरम्यान राघव चड्डा कोण आहेत? याबद्दल अनेकजण माहिती गोळा करीत आहेत. आजच्या काळात देशात काही मोजकेच तरुण राजकारणी स्वतःच्या बळावर राजकारणात उतरले आहेत. राघव चड्डा हे अशाच हरहुन्नरी तरुणांपैकी एक मानले जातात.
राघव चड्डा यांनी मेहनती आणि परिश्रमाच्या जोरावर नाव कमावत तरुण वयातच करिअरच्या उंचीवर पोहोचले आहेत. आम आदमी पार्टीचे राष्ट्रीय प्रवक्ता म्हणून त्यांनी एक विशेष ओळख निर्माण केली आहे. त्यांच्या शिक्षण आणि राजकीय कारकिर्दिविषयी जाणून घेऊया.
राघव चड्डा यांनी मेहनती आणि परिश्रमाच्या जोरावर नाव कमावत तरुण वयातच करिअरच्या उंचीवर पोहोचले आहेत. आम आदमी पार्टीचे राष्ट्रीय प्रवक्ता म्हणून त्यांनी एक विशेष ओळख निर्माण केली आहे. त्यांच्या शिक्षण आणि राजकीय कारकिर्दिविषयी जाणून घेऊया.
राघव चढ्ढा दिल्लीतील केजरीवाल सरकार म्हणजेच आम आदमी पार्टीचे राष्ट्रीय प्रवक्ते आहेत. २०२० मध्ये राजेंद्र दिल्ली नगर विधानसभा मतदारसंघातून निवडणूक जिंकल्यानंतर वयाच्या ३१ व्या वर्षी पहिल्यांदा विधानसभेत पोहोचले होते. तसेच ते व्यवसायाने चार्टर्ड अकाउंटंट आहेत आणि सध्या जल बोर्डाचे उपाध्यक्ष आहेत.
पंजाबच्या निवडणुकीत राघव चड्डा यांनी आपल्या जबरदस्त नेतृत्व कौशल्याच्या जोरावर आम आदमी पार्टीला प्रचंड मतांनी विजय मिळवून देण्यात महत्त्वाची भूमिका बजावली आहे. त्यांची क्षमता आणि उत्कृष्ट नेतृत्व पाहून पार्टीतही त्यांना महत्वाचे स्थान मिळत गेले. पंजाब विधानसभेत त्यांनी निभावलेली प्रदेशाध्यक्षपदाची भूमिका आणि त्यांची क्षमता पाहता राघव यांचे राजकारणातील भविष्य उज्वल मानले जात आहे.
राघव चड्डा यांनी मॉडर्न स्कूल, बाराखंबा रोड, दिल्ली येथून शालेय शिक्षण पूर्ण केले. त्यानंतर त्यांनी २००९ मध्ये श्री वेंकटेश्वर दिल्ली विद्यापीठातून कॉमर्समध्ये पदवी प्राप्त केली. पदवीनंतर, त्यांनी सन २०११ मध्ये भारतीय चार्टर्ड अकाउंटंट्स ऑफ इंडिया, दिल्ली येथून चार्टर्ड अकाउंटंटची पदवी प्राप्त केली. त्यानंतर त्यांनी लंडन स्कूल ऑफ इकॉनॉमिक्समधून ईएमबीए म्हणजेच एक्झिक्युटिव्ह मास्टर ऑफ बिझनेस अॅडमिनिस्ट्रेशन प्रमाणपत्र अभ्यासक्रम पूर्ण केला.
२०१५ मध्ये आम आदमी पक्षाने विधानसभेच्या सर्व निवडणुका जिंकल्या. तेव्हा २६ वर्षांच्या राघव चड्ढा यांची आपचे राष्ट्रीय कोषाध्यक्ष म्हणून निवड झाली होती. केंद्रीय गृहमंत्री राजनाथ सिंह यांनी २०१८ मध्ये सिसोदिया यांचे सल्लागार म्हणून ९ इतर सल्लागारांसह त्यांची नियुक्ती रद्द केली. ज्यानंतर राघव चड्ढा यांनी २०१९ मध्ये दिल्ली लोकसभा मतदारसंघातून लोकसभा निवडणूक लढवली, या निवडणुकीत त्यांना भाजप उमेदवार रमेश बिधुरी यांच्याकडून पराभव पत्करावा लागला होता.