Tej Police Times
Teacher Training Phases: शिक्षक भरतीची तयारी करणऱ्या उमेदवारांसाठी महत्वाची अपडेट समोर येत आहे. नव्या शैक्षणिक धोरणानुसार हे बदल करण्यात येत आहेत. त्यानुसार शिक्षक होण्यासाठी आता चार वर्षाचा इंटिग्रेटेड बी एड डिग्री कोर्स असणार आहे. या नव्या बदलांसोबत आधीपासून सुरु असलेल्या डी.एड अभ्यासक्रम बंद होण्याची शक्यता वर्तविली जात आहे.
महत्वाचे मुद्दे
चार वर्षाचा इंटिग्रेटेड बी एड डिग्री कोर्स
बारावी उत्तीर्ण झाल्यानंतर चार वर्षाचा हा बी एड इंटिग्रेटेड कोर्स करता येणार आहे.
तसेच तीन वर्षाची बॅचलर डिग्री पूर्ण झालेल्या विद्यार्थ्याला दोन वर्षाचा बीएड इंटिग्रेटेड कोर्स करता येणार आहे.
तर चार वर्षाची डिग्री पूर्ण झालेल्या किंवा पदव्युत्तर (मास्टर)अभ्यासक्रम पूर्ण केलेल्या विद्यार्थ्याला एक वर्षाचा बीएड इंटिग्रेटेड कोर्स शिक्षक होण्यासाठी करता येणार आहे.
अध्यापन शास्त्रातील नव्या तंत्रज्ञानाचा त्यासोबतच नव्या गोष्टींचा या इंटिग्रेटेड कोर्समध्ये समावेश करण्यात आला आहे. त्यासोबतच या अभ्यासक्रमाच्या माध्यमातून विद्यार्थ्यांना व्यवहारिक प्रशिक्षण शिकण्याची संधी मिळणार आहे.
चार वर्षाचा इंटिग्रेटेड बी एड डिग्री कोर्स सुरु होणार असल्याची माहिती समोर आली असली तरी हे नवे शिक्षक प्रशिक्षण टप्पे कधी सुरू होणार ? या संदर्भात अधिकृतरित्या जाहीर करण्यात आले नाही. त्यामुळे शिक्षण विभागाच्या यासंदर्भातील नोटिफिकेशनची वाट पाहिली जात आहे.