मस्तच! अँड्रॉईडमध्ये येणार आयफोनसारखा फील, Whatsapp मध्ये होतोय हा मोठा बदल

नवी दिल्ली :Whatsapp Features : सर्वाधिक वापरला जाणारा मेसेजिंग प्लॅटफॉर्म म्हणजे Whatsapp. अगदी विद्यार्थ्यांपासून ते कार्यालयांतही Whatsapp चा वापर मोठ्या प्रमाणात केला जातो. दरम्यान Whatsapp मध्ये मागील काही दिवसांपासून रोज नवनवीन बदल होताना दिसत आहेत. आता देखील अँड्रॉईड वापरकर्त्यांच्या Whatsapp मध्ये एक मोठा बदल होणार असून आयओएस अर्थात आयफोनप्रमाणे अँड्रॉईड फोन्सचं Whatsapp यापुढे दिसणार आहे. सध्या आयफोनमध्ये Whatsapp ओपन केल्यावर चॅट, स्टेटस, सेटिंग्ज या साऱ्या टॅब्स खालच्या बाजूला दिसतात. त्याचप्रमाणे आता अँड्रॉईडमध्येही आता या साऱ्या टॅब्स ज्या वरच्या बाजूला दिसतात त्या खालीच दिसणार आहेत.मेटाने Whatsappची ओनरशिप घेतल्यानंतर नवनवीन अपडेट्स आणि फीचर्स Whatsapp मध्ये येत आहेत. दरम्यान Whatsapp च्या नव्या फीचर्सबद्दल माहिती देणाऱ्या WABetainfo ने दिलेल्या माहितीनुसार Whatsapp चं यूजर्स इंटरफेस (UI) पुढील काही अपडेट्सनतंर पूर्णपणे बदलणार आहे. कंपनीने केलेल्या क्लीन UI टेस्टिंगनंतर आता अँड्रॉईडमध्येही IOS म्हणजेच आयफोनप्रमाणे इंटरफेस दिला जाणार आहे.त्यामुळे आता अँड्रॉईड वापरकर्त्यांना देखील आयफोनप्रमाणे सर्व टॅब्स या खालच्या बाजूला दिसणार आहेत. त्यामुळेअँड्रॉईड वापरकर्त्यांसाठी Whatsapp चा चेहरा-मोहरा बदलणार आहे.

वाचा: कमी बजेटमध्ये स्मार्टफोन हवाय? टेन्शन नाही, १० हजार रुपयांच्या आत आहेत हे ५ बेस्ट स्मार्टफोन्स

आता Whatsapp मध्ये येणार Voice Status

गेल्या काही दिवसांपासून व्हॉट्सअॅपवर रोज नवनवीन फीचर्स येत आहेत.प्रायव्हसी कंट्रोल्स, स्टेटस/स्टोरी सेटिंग्जसोबत बरेच बदल केले जात आहेत. Whatsapp मध्ये देखील स्टेटससाठी एक वेगळं सेक्शन असल्याने त्यातही सतत बदल आणि अपडेट्स येत आहेत. आता युजर्सना स्टेटस बटनवर टॅप करुन वॉइस मेसेज रेकॉर्ड करता येणार आहे. इतर स्टेटसप्रमाणेच या Voice Status ची मर्यादा देखील ३० सेकंदापर्यंतच असणार आहे. दरम्यान स्टेटस टाकल्यानंतर २४ तासानंतर आपोआप डिलीट होणार आहे.

वाचा: Xiaomi : शाओमीचं फॅन फेस्टिवल, स्मार्टफोन, स्मार्ट टीव्हीवर बंपर डिस्काऊंट, किंमती वाचून चकित व्हाल!