iPhone 15 Pro : नवा आयफोन ठरणार गेम चेंजर, या फीचर्सनी वाढवली चाहत्यांची उत्सूकता

​iPhone 15 Pro मध्ये 1.55mm अल्ट्रा-स्लिम बेझल्स

रिपोर्ट्सनुसार आगामी iPhone 15 Pro मध्ये आतापर्यंतचे सर्वात पातळ बेझल असतील, जे युजर्सना आणखी भारी स्मार्टफोनचा अनुभव देईल. या डिव्हाइसमध्ये 1.55mm चे बेझल्स असतील जे सध्याच्या आयफोन 14 प्रो पेक्षा जवळजवळ २८ टक्के कमी आहे. आयफोन 14 प्रो मध्ये 2.17mm जाड बेझल्स आहेत. सध्या पातळ बेझल्स असणारा हँडसेट म्हटलं तर Xiaomi 13 असून त्याच्या 1.81mm चा रेकॉर्ड आयफोन 15 प्रो मोडू शकतो. विक्रम मोडू शकतो.

​वाचाः Phone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा

​

बटणं होणार पूर्णपणे गायब

लेटेस्ट अपडेट्सनुसार iPhone 15 Pro मध्ये फिजीकल बटणं नसणार आहेत. त्याजागी हॅप्टिक सॉलिड-स्टेट पॉवर आणि व्हॉल्यूम बटणांसह येईल. बाजारात आतापर्यंत असा एकही बटण नसणारा फोन नसून अधिक वॉटर आणि डस्ट रेसिंस्टंट बनवण्यासाठी ही शक्कल कंपनी लढवत आहे. तसंच म्यूट बटणाऐवजी त्याठिकाणी एक लहान गोल अॅक्शन बटण दिलं जाऊ शकतं.

​वाचा: घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

​

आधीपेक्षा अधिक दमदार डिस्प्ले

iPhone 15 Pro मध्ये आधीच्या आयफोन्सच्या तुलनेत अपग्रेड केलेला डिस्प्ले देखील दिला जाईल अशी माहिती समोर येत आहे. या आयफोनमध्ये 2,000-nits पेक्षा जास्त पीक ब्राइटनेससह डिस्प्ले असेल. यात बहुधा अधिक राऊंडेड चेसिस असणार असून प्रो मॉडेल्समध्ये हलकं टायटॅनियम चेसिस देखील दिसून येणार आहे. या खास डिस्प्लेमुळे युजर्सना आणखी प्रीमियम अनुभव मिळणार आहे.

​​वाचाः फास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

iPhone 15 Pro Max मध्ये नवीन पेरिस्कोप लेन्स

आयफोन १५ (iPhone 15) मधील टॉप मॉडेल म्हणजेच iPhone 15 Pro Max मॉडेल लाँग रेंज झूमसह नवीन पेरिस्कोप लेन्ससह येऊ शकतो. आजकाल इतर कंपन्यांचे फोन्स दमदार झूम फीचरसह येत असल्यामुळे आयफोनमध्येही हे दमदार फीचर मिळणार आहे. रिपोर्ट्सनुसार, आयफोन १५ प्रो मधील ही पेरिस्कोप लेन्स 6X झूमची क्षमता असणारी असू शकते जी 3X ऑप्टिकल झूमसह सध्याच्या जनरेशनच्या प्रो मॉडेलच्या क्षमतेपेक्षा दुप्पट असेल.

​वाचा: Xiaomi : शाओमीचं फॅन फेस्टिवल, स्मार्टफोन, स्मार्ट टीव्हीवर बंपर डिस्काऊंट, किंमती वाचून चकित व्हाल!

लेटेस्ट A17 बायोनिक चिपसेटसह सुसज्ज असणारा iPhone 15 Pro

आगामी आयफोनबाबत समोर येणाऱ्या रिपोर्ट्सनुसार, नवीन आयफोन 15 प्रो मॉडेल A17 बायोनिक चिपसेटसह सुसज्ज असेल जो स्मार्टफोन्सच्या दुनियेतील आतापर्यंतचा सर्वात वेगवान प्रोसेसर असू शकतो. लाइन-अपमधील इतर मॉडेल्स आयफोन 15 आणि आयफोन 15 प्लसमध्ये A16 बायोनिक चिपसेट दिले जाऊ शकतात.

​वाचाः Window AC ला बाहेरच्या बाजुने का लावतात, कधी विचार केलाय?, जाणून घ्या नेमकं कारण​

कधी होणार लाँच किती असेल किंमत?

आता सर्वात महत्त्वाचं म्हणजे या फोनची किंमत आणि लॉन्चिग डेट. पण या दोन्हीबाबत नेमकी माहिती समोर आलेली नाही. तरी आतापर्यंतच्या आयफोनच्या इतिहासाचा विचार करता iPhone 15 Pro या वर्षी सप्टेंबरमध्ये लॉन्च होऊ शकतो. किंमत आणि उपलब्धतेचे तपशील लॉन्चच्या वेळीच उघड केला जाईल. पण रिपोर्ट्सनुसार, हँडसेटची किंमत जवळपास 1.3 लाख रुपये इतकी असू शकते.

​वाचाः Jio ची भन्नाट ऑफर, ९१ रुपयांमध्ये अनलिमिटेड कॉलिंगसोबत OTT आणि बरच काही…