Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबई :राज्याचे उच्च व तंत्रशिक्षणमंत्री चंद्रकांत पाटील यांच्या पदवीवरुन सध्या राजकारण चांगलेच तापले आहे. चंद्रकांत पाटील यांनी स्वतःची नक्कल पदवी प्रमाणपत्र आवश्यक ऑनलाईन प्रक्रिया न राबवता फक्त एक दिवसात आपल्या पदाचा दबाव टाकून काढून घेतली असा आरोप विरोधकांकडून करण्यात आला. त्याचवेळी अर्ज करून एक महिन्यांहून अधिक वेळ झालेले सर्वसाधारण विद्यार्थी प्रमाणपत्राच्या प्रतीक्षेत आहेत असे सांगत मंत्रीमहोदयांना एक न्याय तर सामान्य विद्यार्थ्यांना वेगळा न्याय का? असा प्रश्न उपस्थित करण्यात आला. या प्रकरणी आता मुंबई विद्यापीठाने स्पष्टीकरण दिले आहे.चंद्रकांत पाटील यांनी मुंबई विद्यापीठाच्या सिद्धार्थ महाविद्यालयातून एप्रिल १९८० साली बीकॉमची पदवी संपादन केली. त्यांची मूळ पदवी गहाळ झाल्यामुळे त्यांनी पदवी प्रमाणपत्राची नक्कल प्रत प्राप्त करण्यासाठी विद्यापीठाकडे अर्ज केला होता. विद्यापीठाने नियमानुसार सर्व प्रक्रिया करून त्यांना पदवीची नक्कल प्रत दिल्याचे यावेळी सांगण्यात आले.
पाटील यांना मिळालेली पदवी जुनी असल्याने ती मॅन्युअली असते. ती बाहेर प्रिंटिंग साठी पाठविली जात नाही. ती विद्यापीठ स्तरावर तयार केली जाते. या जुन्या पदवीचे फॉरमॅट तयार असतात. यावर विद्यार्थ्यांचा तपशील हस्ताक्षराने लिहिला जातो. यामुळे ही पदवी एका दिवसात तयार होते, असे विद्यापीठाने सांगितले.
पाटील यांना मिळालेली पदवी जुनी असल्याने ती मॅन्युअली असते. ती बाहेर प्रिंटिंग साठी पाठविली जात नाही. ती विद्यापीठ स्तरावर तयार केली जाते. या जुन्या पदवीचे फॉरमॅट तयार असतात. यावर विद्यार्थ्यांचा तपशील हस्ताक्षराने लिहिला जातो. यामुळे ही पदवी एका दिवसात तयार होते, असे विद्यापीठाने सांगितले.
काही विद्यार्थ्यांनादेखील कमी वेळात पदवी प्रमाणपत्र दिली आहेत. या पदवीसाठी चंद्रकांत पाटील यांच्याकडून किंवा त्यांच्या कार्यालयाकडून कोणताही दबाव आलेला नसल्याचे मुंबई विद्यापीठाने स्पष्ट केले आहे.
चंद्रकांत पाटील यांनी आपल्या पदाचा गैरवापर केल्याप्रकरणी त्यांना बडतर्फ करा अशी मागणी युवासेनेच्यावतीने राज्यपाल रमेश बैस यांच्याकडे करण्यात आली आहे.
चंद्रकांत पाटील यांना एका दिवसात पदवी प्रमाणपत्र दिलं हे मुंबई विद्यापीठाने हे मान्य केले आहे, अशी प्रतिक्रिया माजी युवा सेना सिनेट सदस्य प्रदीप सावंत यांनी दिली आहे. पाटील यांना प्रक्रिया पूर्ण न करता हे प्रमाणपत्र दिले हे या स्पष्टीकरणातून स्पष्ट दिसत आहे. कारण २०१९ च्या मुंबई विद्यापीठाच्या परिपत्रकांनुसार कुठल्याही विद्यार्थ्याला पदवी प्रमाणपत्र हवे असेल तर त्याला वेबसाइट ऑनलाईन अर्ज करावा लागतो. मात्र इथे हा अर्ज ऑफलाइन करून एका दिवसात पदवी प्रमाणपत्र मिळविले. या सगळ्याचे पुरावे आमच्याकडे आहेत. त्यामुळे स्पष्टीकरण साफ चुकीचे असल्याचे सावंत म्हणाले.
यूजीसीकडून ‘नॅशनल क्रेडिट फ्रेमवर्क’ जाहीर