BSNL Recharge : १८ रुपयांपासून सुरु होतात बीएसएनएलचे स्वस्तात मस्त रिचार्ज, अनलिमिटेड कॉलिंगसह इंटरेनट सेवाही

BSNL Recharge Plans : भारतातील एक सर्वात जुनी आणि विश्वासू टेलिकॉम कंपनी म्हणजे भारत संचार निगम लिमिटेड. या सरकारी दूरसंचार कंपनीला बीएसएनएल (BSNL) म्हणून ओळखलं जातं. दरम्यान एकीकडे इतर कंपन्याचे नेटवर्क 5G पर्यंत पोहोचले असून त्यामुळे त्यांचे रिचार्जही महाग झाले आहेत. पण दुसरीकडे अजूनही 3G सेवा पुरवणारी बीएसएनएल कंपनी मात्र सामान्यांना परवडणारे रिचार्ज पुरवत आहे. बऱ्याच खेड्यापाड्यात आधीपासून बीएसएनएलचे टॉवर असल्याने हे एक विश्वासू नेटवर्क म्हणून ओळखले जाते. दरम्यान बीएसएनएलचे रिचार्जती किंमत सर्वांना परवडणारी असून BSNL कडे 18 रुपयांपासून सुरू होणारे प्रीपेड रिचार्ज पॅक आहेत. या प्लॅन्समध्ये अनलिमिटेड कॉलिंगसह इंटरनेट सेवाही उपलब्ध आहे. तर आजच्या या यादीत १८ रुपयांपासून ते १८४ रुपयांपर्यंच्या रिचार्ज प्लॅनबद्दल जाणून घेऊ…

अमर्यादित कॉलिंगसह इंटरनेटही

तर BSNL कडे विविध प्रीपेड रिचार्ज प्लॅन आहेत जे परवडणाऱ्या किमतीत अनेक फायदे देतात. इतरांचे महागलेले रिचार्ज पाहता बीएसएनएलचे रिचार्ज दिलासादायक आहेत. तर बीएसएनएलचे बहुतांश रिचार्ज प्लॅन अमर्यादित व्हॉइस कॉलिंगच्या सुविधेसह येतात. BSNL च्या टॉप-8 स्वस्त रिचार्ज योजनांची माहिती घेऊया ज्या अगदी १८ रुपयांपासून ते १८४ रुपयांपपर्यंत उपलब्ध आहेत.

​वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा

१८ रुपयांचा बीएसएनएल रिचार्ज प्लॅन​

या यादीतील सर्वात स्वस्त रिचार्ज म्हणजे १८ रुपयांचा रिचार्ज.
BSNL च्या १८ रुपयांच्या रिचार्ज प्लॅनची ​​वैधता केवळ दोन दिवसांची आहे. या प्लॅनमध्ये अनलिमिटेड व्हॉईस कॉल उपलब्ध आहेत. ग्राहक या प्लॅनमध्ये दररोज 1 GB डेटानुसार एकूण 2 GB डेटाही वापरू शकतात. दैनिक डेटा मर्यादा संपल्यानंतर इंटरनेटचा वेग 80Kbps पर्यंत कमी होतो.

​वाचा : ​सॅमसंगचा नवा-कोरा Samsung M14 5G लॉन्चसाठी सज्ज, हे फीचर्स झाले कन्फर्म
​

१०० रुपयांच्या आतील बीएसएनएल रिचार्ज प्लॅन

आता १८ रुपयांच्या प्लॅनंतर आणखी दोन BSNL चे प्लॅन हे १०० रुपयांच्या आतील आहेत. यामध्ये ८७ रुपयांचा रिचार्ज प्लॅन आहे. ज्याची ​​वैधता १४ दिवसांची आहे. या प्लॅनमध्ये दररोज १ जीबी डेटा मिळतो. म्हणजेच या पॅकमध्ये ग्राहक एकूण १४ जीबी डेटा वापरू शकतात. हा रिचार्ज पॅक अमर्यादित व्हॉईस कॉल सुविधा देतो. One97 कम्युनिकेशन्सने ऑफर केलेली हार्डी मोबाइल गेम्स सेवा देखील या पॅकमध्ये समाविष्ट आहे.तसं आणखी एक रिचार्ज हा ९९ रुपयांचा आहे. या प्रीपेड प्लॅन काही उत्तम फायदे आहेत. या प्लॅनमध्ये अमर्यादित व्हॉईस कॉल उपलब्ध आहेत. हा प्लान १८ दिवसांच्या वैधतेसह येतो. प्लॅनमध्ये फ्री कॉलर ट्यून देखील देण्यात आली आहे. तसंच डेटा पॅकही या प्लॅनमध्ये आहे.

​वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

१०७ आणि १०८ रुपयांचा बीएसएनएल रिचार्ज प्लॅन

BSNL च्या १०७ रुपयांच्या रिचार्ज प्लॅनची ​​वैधता ३५ दिवसांची आहे. या प्लॅनमध्ये लोकल आणि एसटीडी व्हॉईस कॉलसाठी एकूण २०० मिनिटं देण्यात आली आहेत. पॅकमध्ये ग्राहकांना ३५ दिवसांसाठी एकूण ३ जीबी डेटा दिला जातो. आता याच प्लॅनमध्ये आणखी १ रुपया टाकला तर येतो तो १०८ रुपयांचा बीएसएनएलचा रिचार्ज प्लॅन. BSNL च्या १०८ रुपयांच्या रिचार्ज प्लॅनमध्ये मुंबई आणि दिल्ली मधील MTNL नेटवर्कवर अमर्यादित व्हॉईस कॉल देखील उपलब्ध आहेत. या प्लॅनमध्ये एकूण 1 GB डेटा मिळतो. या प्लॅनची ​​वैधता २८ दिवसांची आहे.

​​वाचाःJio ची भन्नाट ऑफर, ९१ रुपयांमध्ये अनलिमिटेड कॉलिंगसोबत OTT आणि बरच काही…

​११८ रुपयांचा बीएसएनएल रिचार्ज प्लॅन

११८ रुपयांच्या BSNL रिचार्ज प्लॅनची ​​वैधता 20 दिवसांची आहे. या प्लॅनमध्ये अनलिमिटेड व्हॉईस कॉलची सुविधा देण्यात आली आहे. म्हणजेच ग्राहक कोणत्याही नेटवर्कवर अमर्यादित लोकल आणि एसटीडी कॉल करू शकतात. तसंच प्लॅनमध्ये दररोज 0.5 GB डेटा मिळतो. याशिवाय मोफत पीआरबीटीचीही सुविधा देखील देण्यात आली आहे.

​वाचाःWindow AC ला बाहेरच्या बाजुने का लावतात, कधी विचार केलाय?, जाणून घ्या नेमकं कारण

​१४७ रुपयांचा बीएसएनएल रिचार्ज प्लॅन

BSNL च्या १४७ रुपयांच्या प्रीपेड रिचार्ज प्लॅनमध्ये देखील अनलिमिटेड कॉलिंगची सुविधा देण्यात आली आहे. म्हणजे लोकल आणि नॅशनल रोमिंग दरम्यानही कॉल फ्री राहतात. या प्रीपेड प्लॅनमध्ये एकूण 10 GB डेटा देण्यात आला आहे. या प्लॅनमध्ये BSNL Tunes चा फायदा देखील आहे. या प्लॅनची व्हॅलिडेटी म्हणाल तर ३० दिवस इतकी आहे.

​वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

​१८४ रुपयांचा बीएसएनएल रिचार्ज प्लॅन

BSNL च्या या यादीतील सर्वात महाग प्लॅन म्हणाल तर १८४ रुपयांचा प्रीपेड प्लॅन. या प्लॅनची ​​वैधता 28 दिवस आहे. या प्लॅनमध्ये दररोज एकूण 1 GB डेटा मिळतो. याशिवाय या प्लॅनमध्ये दररोज १०० एसएमएस मिळतात. बीएसएनएलचा हा प्लान अमर्यादित व्हॉईस कॉलसह येतो. या प्लॅनमध्ये Lystn पॉडकास्टची सदस्यता देखील मोफत दिली जाते.

वाचा:स्मार्टफोन चोरीला गेला?, चिंता करू नका, Find My Device वरून ‘असा’ शोधा​