New Smartphone : नवीन फोन विकत घेताय? दमदार ब्रँड्सचे स्मार्टफोन ते ही १० हजारांच्या आत, पाहा संपूर्ण यादी

​Budget Smartphone Options : सध्या मार्केटमध्ये एकापेक्षा एक नवनवीन स्मार्टफोन येत आहेत. नवीन फोनच नाही तर नवीन स्मार्टफोन कंपन्याही मार्केटमध्ये येत आहेत. तर या नव्या, जुन्या अशा साऱ्या कंपन्या म्हणजेच वेगवेगळे ब्रँड्स वेगवेगळे फीचर्स घेऊन नवनवीन फोन्स घेऊन येत आहेत. त्यामुळे मार्केटमध्ये चुरसही वाढली आहे. हीच वाढती रेस पाहता अनेक दमदार ब्रँड्स स्वस्तात मस्त फोन घेऊन येत आहेत. त्यामुळे स्मार्टफोन अगदी १० हजार रुपयांच्या आत देखील येत असल्याचं दिसून येत आहे. आता तुम्हीही आपल्या जुन्या स्मार्टफोनवरुन अपग्रेड होण्यासाठी नवीन स्मार्टफोन घ्यायचा विचार करताय आणि तुम्हालाही कमी बजेटमध्ये हा नवीन स्मार्टफोन हवा असेल तर तुमच्यासाठी काही खास ऑप्शन्स आम्ही घेऊन आलो आहोत.

​

​Moto G13 (९,९९९ रुपये)

या यादीतील पहिला फोन म्हणजे फार जुनी मोबाईल कंपनी मोटोरोलाचा. कंपनीचा Moto G13 हा फोन ९,९९९ रुपयांना येत असून विशेष म्हणजे यात 90Hz रिफ्रेश रेटसह 6.5-इंचाचा डिस्प्ले आहे. Helio G85 चिपसेट G13 ला पॉवर करतो आणि 4GB रॅम आणि 128GB स्टोरेजसह येतो. स्मार्टफोनमध्ये 50MP ड्युअल कॅमेरा सेटअप आहे. स्मार्टफोनमध्ये 5000mAh बॅटरी आहे आणि नवीनतम Android 13 चालतो.

​​वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

​Redmi 12C (९,४९९ किंमत)

सध्या आघाडीला असणारी स्मार्टफोन कंपनी रेडमीचा Redmi 12C हा एक १० हजााच्या आतील चांगला ऑप्शन आहे. 6.71-इंचाचा डिस्प्ले असणारा हा फोन 6GB पर्यंत रॅम आणि 128GB स्टोरेजसह येतो. Helio G85 चिपसेट या फोनमध्ये आहे. या स्मार्टफोनमध्ये 5000mAh बॅटरी आहे. तसंच 50MP कॅमेरा आहे.

​वाचा :SmartPhone Care : मोबाईलची स्क्रीन घरच्या घरी कशी कराल साफ? सोप्या तीन स्टेप्सने चमकेल तुमचा स्मार्टफोन

Realme C33 (८,९९९ रुपये)

Realme C33 मध्ये 6.5-इंचाचा डिस्प्ले आहे. C33 Unisoc T612 चिप या फोनमध्ये बसवण्यात आली आहे. तसंच जर फोनच्या मेमरीचा विचार कराल तर यामध्ये 6GB पर्यंत रॅम आणि 128GB स्टोरेज देण्यात आलं आहे. याशिवाय स्मार्टफोनमधील एक महत्त्वाची गोष्ट म्हणजे त्याचा कॅमेरा. या फोनमध्ये 50MP ड्युअल कॅमेरा सेटअप आहे. तसंच 5000mAh ची बॅटरी देण्यात आली आहे.

​वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

​Lava Blaze 2 (८,९९९ रुपये)​

लावा कंपनीचे फो अधिक वापरले जात नसले तरी कमी बजेट असणाऱ्यांसाठी हे फोन भारीच आहेत. तर लावा कंपनीचा Lave Blaze 2 या मॉडेलमध्ये 90Hz रिफ्रेश रेटसह 6.5-इंचाचा डिस्प्ले आहे. ज्यात Unisoc T616 चिप आहे. तसंच 6GB RAM आणि 128GB स्टोरेज आहे. स्मार्टफोनमध्ये 13MP ड्युअल कॅमेरा सेटअप आहे. स्मार्टफोनमध्ये 5000mAh बॅटरी आहे.

​वाचा : ​Netflix, Prime, Hotstar: आता अनलिमिटेड मूव्हीसह, वेब सीरीजचीही घ्या मजा, पाहा सर्व प्लॅन्सची माहिती सविस्तर

​Poco C55 (८, ४९९ रुपये)

पोको कंपनीचे फोनही आजकाल चांगले विकले जात आहेत. या फोन्समध्ये गेमिंगचा अनुभव चांगला येत असल्याचं दिसून येत आहे. तर पोकोचा POCO C55 हा देखील एक १० हजारांच्या आतील चांगला ऑप्शन आहे. यात 120Hz रिफ्रेश रेटसह 6.71 इंचाचा डिस्प्ले आहे आणि तो 128GB पर्यंत स्टोरेज आणि 6GB रॅमसह MediaTek Helio G85 चिपसेट बसवला आहे. यात 50MP कॅमेरा आणि 5000mAh बॅटरी आहे.

​वाचाःJio Recharge: २४० रुपयात ८४ दिवसांपर्यंत अनलिमिटेड कॉलिंग आणि डेटा

​Samsung Galaxy F04 (७, ४९९ रुपये)

सर्वात प्रसिद्ध अँन्ड्रॉईड फोन्स बनवणारी कंपनी सॅमसंगचा एक फोनही या यादीत आहे. Samsung Galaxy F04 मध्ये 6.5 इंच डिस्प्ले आहे आणि तो 4GB रॅम आणि 64GB स्टोरेजसह येतो. यात MediaTek Helio P35 चिपसेट असून या स्मार्टफोनमध्ये 13MP+2MP कॅमेरा सेटअप आहे. 5000mAh बॅटरी स्मार्टफोनचा बॅकअप करते.

​वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा

Nokia C12 (६,४९९ रुपये)

एक काळ गाजवलेली मोबाईल कंपनी नोकिया आता स्मार्टफोन्सच्या शर्यतीत मागे पडली आहे. तरी ते आपल्याकडून काही स्मार्टफोन तयार करत आहेत. अशामध्ये १० हजारांच्या आतील Nokia C12 हा फोनही एक चांगला ऑप्शन आहे. यात 6.3 इंचाचा डिस्प्ले आहे, तसंच Unisoc 9863A1 चिप या फोनमध्ये असून Android 12 Go Edition वर चालवतो. स्मार्टफोनमध्ये 8 MP कॅमेरा आहे. याव्यतिरिक्त, 2GB रॅम आणि 64GB मेमरी आहे.

वाचा :Asus ROG Phone 7: जबरदस्त! 16GB पर्यंत RAM, 512GB पर्यंत स्टोरेज असणारा फोन भारतात लॉन्च​