ईदला चालली भाईजानची जादू! वाचा सलमानच्या ‘किसी का भाई किसी की जान’ची दुसऱ्या दिवशीची कमाई

मुंबई– बॉलिवूड अभिनेता सलमान खान आणि ईद हे समीकरण ठरलेलंच. यावर्षीही ईदच्या दिवशी सलमानचा ‘किसी का भाई किसी की जान’ चित्रपट प्रदर्शित झाला मात्र त्याची पहिल्या दिवशीची कमाई पाहून हा चित्रपट फार काळ बॉक्स ऑफिसवर टिकणार नाही असं वाटत होतं. मात्र आता परिस्थिती बदलण्याची शक्यता आहे. चित्रपटाच्या रिलीजच्या दुसऱ्या दिवशी म्हणजेच २२ एप्रिल रोजी चाहत्यांनी भाईजानला ईदी दिली आहे. पहिल्या दिवशीच्या संथ कमाईने सर्वांनाच निराश केलं होतं. मात्र दुसऱ्या दिवशीच्या कमाईच्या आकडेवारीने आता कमालीची झेप घेतली आहे. या चित्रपटाने बंपर कलेक्शन केले आहे. तर अनेक शो हाऊसफुल्ल झाले आहेत. या वेगाने चित्रपटाची कमाई सुरू राहिली तर रविवारपर्यंत चित्रपट ५० कोटींचा आकडा गाठेल.

फरहाद सामजी दिग्दर्शित ‘किसी का भाई किसी का जान’ या चित्रपटाने दुस-या दिवशी चांगली कामगिरी केली आहे. दुसऱ्या दिवशीचं चित्रपटाचं कलेक्शन २३ ते २४ कोटी इतकं आहे. चित्रपटाने सिंगल स्क्रीनवर प्रचंड गर्दी जमवल्यामुळे हा आकडा आणखी वाढण्याची शक्यता आहे. हाऊसफुल्लचे बोर्डही लागले आहेत. सकाळच्या शोला क्षमतेपेक्षा कमी प्रेक्षक असले तरी त्यानंतर इतर शो हाऊसफुल्ल झाले आहेत. ‘किसी का भाई किसी की जान’ हा मल्टीस्टारर चित्रपट आहे. त्यामुळे प्रेक्षकांना चित्रपटाकडून जास्त अपेक्षा होत्या.

मात्र प्रदर्शनाच्या दिवशी रमजानच्या शेवटच्या दिवस असल्यामुळे शुक्रवारी चित्रपटाला थोडासा तोटा सहन करावा लागला होता. दोन्ही दिवसांची आकडेवारी जोडल्यास ती संख्या सुमारे ३७ कोटी आहे. हा आकडा फार चांगला नसला, तरीही इतर चित्रपटांच्या मानाने चांगला आहे. विशेष म्हणजे दुस-या दिवशी चित्रपटाने चांगली कमाई केली आहे. सलमानच्या चाहत्यांनी त्याला ईदी देऊ केली आहे, असंच म्हणावं लागेल.

एकूणच हा चित्रपट ज्या पद्धतीने पहिल्या दिवशी चालला त्या तुलनेत तो सध्या चांगल्या स्थितीत आहे आणि आता फक्त कमाईत अशीच गती राखण्याची गरज आहे. रिपोर्ट्सनुसार, हा चित्रपट बनवण्यासाठी सुमारे १०० कोटी रुपये खर्च करण्यात आले असून तो ४५०० स्क्रीन्सवर प्रदर्शित झाला आहे. ईदला रिलीज झालेल्या सलमानच्या मागील १० चित्रपटांच्या तुलनेत KKBKKJ चे ओपनिंग डे कलेक्शन सर्वात कमी आहे.