पहिल्या सोमवारी सलमान खानच्या सिनेमाने बॉक्स ऑफिसवर दाखवला दम; पण पठाणपुढे भाईजान फेल

बॉक्स ऑफिसवरील कमाई

शुक्रवार- १३.७५ कोटी रुपये
शनिवार- २४ कोटी रुपये
रविवार- २४.५० कोटी रुपये
सोमवार- ०९ कोटी रुपये
एकूण कमाई- ७१.२५ कोटी रुपये

सोमवारची कमाई

बॉक्स ऑफिस इंडियाच्या रिपोर्ट सांगतो की, सुरुवातीच्या अंदाजानुसार, या चित्रपटाने चौथ्या दिवशी म्हणजे सोमवारी सुमारे ८ कोटी रुपयांची कमाई केली आहे आणि ती सुमारे ९ कोटी रुपयांपर्यंत पोहोचेल असा अंदाज आहे. मेट्रो शहरांच्या मल्टिप्लेक्सबद्दल बोलायचे तर, पहिल्या दिवसाच्या तुलनेत कमाईचा हा आकडा ५०-६० टक्के कमी होता. मात्र, अनेक ठिकाणी सोमवारची कमाईही पहिल्या दिवसाच्या तुलनेत चांगली असल्याचे सांगण्यात येत आहे. सलमान खानच्या ‘किसी का भाई किसी की जान’ या चित्रपटाने पहिल्या वीकेंडला जवळपास ६२.२५ कोटी रुपयांची कमाई केली होती आणि आता सोमवारच्या आकडेवारीसह सिनेमाची कमाई ७१.२५ कोटी रुपयांच्या जवळ पोहोचली आहे.

सचिन तेंडुलकरमुळे बारावीत नापास झालेले प्रवीण तरडे; वाचा नेमकं काय आहे प्रकरण
दरम्यान एकूण जगभरात सिनेमाने १०० कोटींचा आकडा ओलांडल्याचे या रिपोर्टमध्ये नमूद करण्यात आले आहे. यानुसार, सिनेमाने अवघ्या तीन दिवसात ११० कोटींची कमाई केली.

पठाणची कमाई होती जास्त

दरम्यान या सिनेमाच्या पहिल्या सोमवारच्या कमाईची तुलना ‘पठाण’च्या पहिल्या सोमवारच्या कमाईशी केली, तर सलमानच्या सिनेमाचे आकडे अत्यंत निराशाजनक आहेत. शाहरुख खानची मुख्य भूमिका आणि सलमानचा कॅमिओ असणाऱ्या ‘पठाण’ने पहिल्या सोमवारी २५ कोटी कमावले होते. मात्र पठाणसाठी पहिला वीकेंड एक्सटेंडेड होता आणि सहाव्या दिवशी पहिला सोमवार आला होता. तर ‘किसी का भाई…’साठी सोमवार चौथ्या दिवशी आला आहे.