६.६ इंच डिस्प्ले, 5000 mAh बॅटरीचा फोन लाँच, किंमत फक्त ५ हजार ३९९ रुपये

नवी दिल्लीः Infinix Smart 7 HD: मोठा डिस्प्ले आणि दमदार बॅटरी सोबत मार्केटमध्ये नवीन स्मार्टफोन लाँच करण्यात आला आहे. याची किंमत खूपच कमी आहे. किंमत कमी असली तरी या फोनमध्ये शानदार फीचर्स दिले आहेत. जर तुम्हाला फोन खरेदी करायचा असेल तर तुम्ही या फोनला ऑनलाइन किंवा ऑफलाइन दोन्ही पद्धतीने खरेदी करू शकता. ऑनलाइन तुम्ही या फोनला ई-कॉमर्स प्लॅटफॉर्म फ्लिपकार्टवरून सहज खरेदी करू शकता. जर तुम्हाला कुणाला गिफ्ट करायचे असेल तर फोन एक बेस्ट ऑप्शन ठरू शकतो. या स्मार्टफोनमध्ये तुम्हाला कमी किंमतीत बेस्ट फीचर्स मिळत आहेत. जाणून घ्या या फोनसंबंधी सविस्तर.

Infinix Smart 7 HD: फीचर्स
स्मार्टफोन Octa core (1.6 GHz, Quad Core + 1.2 GHz, Quad core)Unisoc SC9863A चिपसेट सोबत येतो. या फोनमध्ये ६.६ इंचाचा डिस्प्ले दिला आहे. या फोनमध्ये 64 GB + 2 TB एक्सपेंडेबल स्टोरेज मिळते. ४ जी स्मार्टफोन असलेल्या या फोनमध्ये 5000 mAh ची बॅटरी दिली आहे. फोटो आणि व्हिडिओग्राफीसाठी या फोनमध्ये तुम्हाला ड्युअल कॅमेरा सेटअप दिला आहे. ज्यात प्रायमरी कॅमेरा ८ मेगापिक्सलचा आणि सेकंडरी कॅमेरा ०.३ मेगापिक्सलचा आहे. याशिवाय, सेल्फीसाठी फ्रंट मध्ये तुम्हाला ५ मेगापिक्सलचा कॅमेरा दिला आहे.

वाचाः फ्लिपकार्टच्या सेलमध्ये ८० टक्क्यांपर्यंत बंपर डिस्काउंट, ‘या’ दिवसापासून सुरु होणार ‘बिग सेविंग डेज’

Infinix Smart 7 HD ची किंमत
या स्मार्टफोनला तुम्ही ऑफलाइन किंवा ऑनलाइन अशा दोन्ही पद्धतीने खरेदी करू शकता. या फोनची किंमत फक्त ५ हजार ३९९ रुपये आहे. या स्मार्टफोनला येत्या ४ मे पासून विक्रीसाठी उपलब्ध करण्यात येणार आहे.

वाचाः अरे बापरे! १२० फुटांचा लघुग्रह 2023 HW1 पृथ्वीच्या दिशेने, नासानं दिली माहिती