Budget Smartphones : दमदार ब्रँड्सचे फोन कमी बजेटमध्ये, १०,००० रुपयांच्या आतील स्मार्टफोन्सची यादी

Budget Smartphone List : आजकाल प्रत्येकाकडे स्मार्टफोन असतो. अगदी बच्चे कंपनीपासून ते मोठ्यापर्यंत सर्वांना स्मार्टफोनची कमी जास्त गरज ही असतेच, आजकाल ऑनलाईन शिक्षण सुरु झाल्यानं लहानग्यांकडेही फोन असतो. प्रत्येकजण आपल्या परिस्थितीप्रमाणे आणि गरजेप्रमाणे फोन घेत असतो. त्यामुळे मार्केटध्ये देखील असे बरेच स्मार्टफोनचे पर्याय उपलब्ध आहेत. नवनवीन स्मार्टफोन विविध कंपन्याही घेऊन येत आहेत. लेटेस्ट बरेच फोन कमी किंमतीत चांगले फीचर्स देत असतात. बजेट कमी असेल तरीही तुम्हाला बाजारात अनेक ब्रँडेड पर्याय सापडतील. Vivo, Samsung, Tecno, Redmi, Nokia सारख्या कंपन्या सतत नवीन कमी किमतीचे हँडसेट बाजारात आणत असतात. आम्ही तुम्हाला भारतीय बाजारात १०,०० रुपयांपेक्षा कमी किमतीत उपलब्ध टॉप-5 बजेट स्मार्टफोन्सच्या किंमती आणि फीचर्सबद्दल सारं काही सांगणार आहोत…

Redmi 12C (किंमत : ८,९९९ रुपये)

बजेट फोन तयार करण्यात आघाडीवर असणारी शाओमी कंपनीचा Redmi 12C स्मार्टफोन हा एक स्वस्तात मस्त फोन आहे. यामध्ये MediaTek Helio G85 प्रोसेसर देण्यात आला आहे. फोनमध्ये 4 GB रॅम आणि 64 GB इनबिल्ट स्टोरेज आहे. हँडसेटमध्ये ऍपर्चर F/1.8 AI सह 50-मेगापिक्सेल प्राइमरी रिअर कॅमेरा सेन्सर आहे. या स्मार्टफोनमध्ये ५ मेगापिक्सलचा सेल्फी कॅमेरा देण्यात आला आहे. रेडमीच्या या हँडसेटला एचडी + डिस्प्ले आणि स्क्रॅच रेझिस्टंट ग्लास देण्यात आला आहे. फोनमध्ये ड्युअल बँड वाय-फाय सपोर्ट देण्यात आला आहे.

​वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा

​Samsung Galaxy M04 (किंमत : ८, ४९९ रुपये)

आघाडीची कंपनी सॅमसंगचा Samsung Galaxy M04 हा फोन या यादीत आहे. 4 GB रॅम आणि 64 GB इनबिल्ट स्टोरेजसह हा फोन सध्या उपलब्ध आहे. या सॅमसंग फोनमध्ये MediaTek Helio P35 ऑक्टा-कोर प्रोसेसर आहे, जो 2.3 GHz क्लॉक स्पीडवर चालतो. हँडसेटमध्ये १३ मेगापिक्सल आणि २ मेगापिक्सल ड्युअल रियर कॅमेरा सेटअप आहे. स्मार्टफोनमध्ये ५ मेगापिक्सेलचा फ्रंट सेन्सर आहे.
Galaxy M04 मध्ये 6.5-इंचाचा LCD डिस्प्ले आहे जो HD + रिझोल्यूशन ऑफर करतो. हँडसेटला पॉवर करण्यासाठी 5000mAh बॅटरी देण्यात आली आहे.

​वाचा : Gaming Laptops : आता गेम खेळणं होईल अगदी खरंखुरं! ‘हे’ टॉप ५ गेमिंग लॅपटॉप आहेत बेस्ट

Tecno Spark 8 Pro (किंमत : ८,३९९ रुपये)

Techno Spark 8 Pro हा फोन 4 GB RAM आणि 64 GB इनबिल्ट स्टोरेज व्हेरिएंटसह येतो. तुम्ही हा फोन Amazon India वरून ८, ३९९ रुपयांना विकत घेऊ शकता. फोनमध्ये सुपर नाईट मोड, इंटेलिजेंट फोकससह 48 मेगापिक्सेल हाय रिझोल्यूशन एआय कॅमेरा आहे. फोनमध्ये ड्युअल फ्रंट फ्लॅशसह 8 मेगापिक्सेल फ्रंट कॅमेरा आहे. तसंच स्मार्टफोनमध्ये 6.8-इंचाचा फुलएचडी + डॉट-इन डिस्प्ले आहे. याशिवाय 5000mAh बॅटरी फोनमध्ये बसवण्यात आली आहे. जी 33W सुपर फास्ट चार्जिंगला सपोर्ट करते. फोनमध्ये MediaTek Helio G85 ब्लेझिंग फास्ट गेमिंग प्रोसेसर आहे.

वाचा : आता तुमचं प्रायव्हेट चॅट राहिल एकदम ‘प्रायव्हेट’, असं लॉक करा WhatsApp​

Nokia G11( किंमत : ९,४९९ रुपये)​

नोकियाच्या या स्मार्टफोनमध्ये 6.5-इंचाचा डिस्प्ले आहे. स्क्रीनचा रिफ्रेश रेट 90 Hz आहे. फोनमध्ये शक्तिशाली AI इमेजिंग मोडसह 50-मेगापिक्सेलचा ड्युअल रियर कॅमेरा सेटअप आहे. Nokia G11 स्मार्टफोनमध्ये 4 GB रॅम आणि 64 GB इनबिल्ट स्टोरेज आहे. मायक्रोएसडी कार्डद्वारे स्टोरेज 512 जीबी पर्यंत वाढवता येते. फोनला पॉवर देण्यासाठी, 5050mAh बॅटरी देण्यात आली आहे, जी 3 दिवसांची बॅटरी लाइफ देत असल्याचा कंपनीदावा करते. हा स्मार्टफोन Android 12 ऑपरेटिंग सिस्टमसह येतो.

​वाचा : Battery Saver : फोनची बॅटरी सारखी संपतेय? चार्जिंग वाचवण्यासाठी या ६ टिप्स करा फॉलो

​Vivo Y15s (किंमत : ९,४९९ रुपये)

विवो कंपनीचा Vivo Y15S हे मॉडेल या यादीत असून याफोनमध्ये 3 GB रॅम आणि 32 GB स्टोरेज देण्यात आले आहे. Amazon वरून ९,४९९ रुपयांना हा फोन खरेदी करा येईल. या फोनमध्ये 6.51-इंचाचा एलसीडी डिस्प्ले आहे जो (1600 × 720 पिक्सेल) रिझोल्यूशन देतो. हा स्मार्टफोन Funtouch OS 11.1 सह येतो. सेल्फी आणि व्हिडिओ कॉलिंगसाठी फोनमध्ये 8-मेगापिक्सलचा फ्रंट कॅमेरा आहे.
Vivo Y15s स्मार्टफोनमध्ये ड्युअल रियर कॅमेरा सेटअप देण्यात आला आहे. हा फोन 13 मेगापिक्सेल प्राइमरी आणि 2 मेगापिक्सलचे दोन सेन्सरसह येतो. फोनला पॉवर करण्यासाठी 5000mAh ची बॅटरी देण्यात आली आहे.

​वाचाः ChatGPT की मानवी मेंदू, कोण जास्त तल्लख? इन्फोसिसच्या नारायण मूर्ती यांचं मोठं विधान