मोटोरोलाचे दोन स्मार्टफोन लाँच, ५ मे पासून फोनची विक्री, किंमत-फीचर्स पाहा

नवी दिल्लीः मोटोरोला ने एकाच वेळी आपले दोन स्मार्टफोन लाँच केले आहेत. Moto G 5G (2023) आणि Moto G Stylus (2023) चा समावेश आहे. Moto G 5G सोबत 120Hz चा रिफ्रेश रेट दिला आहे. तर Moto G Stylus (2023) सोबत 90Hz रिफ्रेश रेट दिला आहे. दोन्ही फोनची डिझाइन वॉटर रिप्लेंट सोबत येते. तसेच दोन्ही फोनमध्ये 5000mAh ची बॅटरी मिळते. तसेच 15W चा चार्जिंग सपोर्ट मिळतो.

Moto G 5G (2023), Moto G Stylus (2023) ची किंमत
Moto G 5G (2023) च्या ४ जीबी रॅम सोबत १२८ जीबी स्टोरेजच्या व्हेरियंटची किंमत 249.99 डॉलर म्हणजेच जवळपास २० हजार ५०० रुपये आहे. फोनला इंक ब्लू आणि हार्बर मिस्ट कलर मध्ये २५ मे पासून खरेदी करता येऊ शकते. Moto G Stylus (2023) च्या ४ जीबी रॅम सोबत ६४ जीबी स्टोरेजच्या फोनची किंमत 199.99 डॉलर म्हणजेच जवळपास १६ हजार २०० रुपये आहे. या फोनची विक्री अमेरिकेत ५ मे पासून ग्लॅम पिंक आणि मिडनाइट ब्लू कलरची होईल. दोन्ही फोनला भारतात लाँच करणार की नाही, यासंबंधी कोणतीही माहिती समोर आली नाही.

Moto G 5G (2023) ची स्पेसिफिकेशन
Moto G 5G (2023) मध्ये अँड्रॉयड 13 आधारित My UX दिले आहे. याशिवाय, फोनमध्ये ६.५ इंचाचा एचडी प्लस डिस्प्ले दिला आहे. याचा रिफ्रेश रेट 120Hz आहे. फोनमध्ये स्नॅपड्रॅगन 480+ 5G प्रोसेसर सोबत ४ जीबी रॅम आणइ १२८ जीबी स्टोरेज दिले आहे. Moto G 5G (2023) मध्ये ड्युअल रियर कॅमेरा सेटअप दिला आहे. याचा प्रायमरी लेन्स ४८ मेगापिक्सलचा आहे. सेल्फीसाठी फोनमध्ये ८ मेगापिक्सलचा कॅमेरा दिला आहे. Moto G 5G (2023) मध्ये कनेक्टिविटी Wi-Fi 802.11 a/b/g/n/ac, ब्लूटूथ 5.1, GPS, A-GPS, GLONASS, Galileo, Beidu, 3.5mm हेडफोन जॅक दिले आहे. फोनमध्ये टाईप-सी पोर्ट मिळते. फोन मध्ये फिंगरप्रिंट सेंसर सुद्धा दिले आहे. Moto G 5G (2023) मध्ये 5000mAh ची बॅटरी सोबत 15W ची चार्जिंग दिली आहे.

Moto G Stylus (2023) ची स्पेसिफिकेशन
Moto G Stylus (2023) मध्ये अँड्रॉयड 13 आधारित My UX आहे. या फोनमध्ये ६.५ इंचाचा फुल एचडी प्लस डिस्प्ले दिला आहे. याचा आस्पेक्ट रेशियो 20:9 आहे. डिस्प्ले सोबत 90Hz चा रिफ्रेश रेट मिळतो. फोनमध्ये मीडियाटेक Helio G85 प्रोसेसर सोबत ४ जीबी रॅम आणि ६४ जीबीचे स्टोरेज मिळते. Moto G Stylus (2023) मध्ये डुअल रियर कॅमेरा दिला आहे. प्रायमरी लेंस 50 मेगापिक्सलचा आहे. दुसरा लेंस 2 मेगापिक्सलचा अल्ट्रा वाइड लेंस आहे. फ्रंट मध्ये 8 मेगापिक्सलचा सेल्फी कॅमेरा मिळतो. Moto G Stylus (2023) मध्ये कनेक्टिविटीसाठी 4G LTE, Wi-Fi 802.11a/b/g/n/ac, ब्लूटूथ 5.0, GPS/A-GPS, USB टाईप-सी पोर्ट आणि 3.5mm हेडफोन जॅक आहे. यात साइड माउंटेड फिंगरप्रिंट सेंसर दिले आहे. फोन मध्ये 5000mAh च्या बॅटरी सोबत 15W फास्ट चार्जिंग मिळते.

वाचाः Android युजर्ससाठी महत्त्वाची बातमी, ‘हे’१९ॲप्स तुमच्यासाठी धोकादायक, लगेचच करा डिलीट