WhatsApp : सावधान! तुमचं व्हॉट्सअॅप अकाउंट कायमचं होईल बॅन, आजच या 8 गोष्टी करणं थांबवा

WhatsApp Security : व्हॉट्सॲप म्हणजे आजकाल प्रत्येकाच्या फोनमधील एक महत्त्वाचं मेसेजिंग ॲप झालं आहे. अगदी गप्पा-टप्पांसाठी केल्या जाणाऱ्या चॅटिंगपासून ते व्यावसायिक चॅटपर्यंत सारंकाही आजकाल व्हॉट्स​ॲपवर होत असतं. त्यामुळेच व्हॉट्सप कंपनी देखील आपल्या व्हॉट्सॲपसंबधित सिक्योरिटीमध्ये कोणतीच कमी ठेवत नाही. ​व्हॉट्सॲप दर महिन्याला आपला एक अहवाल प्रसिद्ध करत असते. या अहवालांत नियमांचे उल्लंघन करणाऱ्या खात्यांवर थेट बंदी घातली जाते, म्हणजेच संबधित अकाउंट्स बॅन केले जातात. हे काम युजर्सच्या सुरक्षेला लक्षात घेऊन केले जाते. दरम्यान आपण सर्वचजण ​व्हॉट्सॲप वापरत असतो. त्यामुळे आपण सर्वांनी काही गोष्टींची काळजी घेतली पाहिजे ज्यामुळे आपण आपले खाते सुरक्षित ठेवू शकतो. अनेक वेळा अशा काही चुका आपल्याकडून होतात ज्यामुळे आपलं व्हॉट्सॲप
अकाउंट थेट बॅन होऊ शकतं. तर अशा कोणत्या चुका आहेत, ज्या केल्यामुळे ​व्हॉट्सॲप अकाउंट बॅन केलं जाऊ शकतं, ते जाणून घेऊ…

स्पॅम मेसेज पाठवणं टाळा

जर तुम्ही WhatsApp या प्लॅटफॉर्मचा वापर सतत स्पॅम मेसेज पाठवण्यासाठी करत असाल तर तसं करणं त्वरीत थांबवा. अनेक जण हे स्पॅम मेसेज वेगवेगळ्य़ा ठिकाणी पसरवण्यासाठी अनेक वेगवेगळे ग्रुप्सही तयार करतात. असे केल्याने तुम्ही अडचणीत येऊ शकता. तुमचं WhatsApp
खातं थेट बॅन केलं जाऊ शकते.

​वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा

खोटी माहिती/बातम्या पसरवणं टाळा

जर तुम्ही अनेक वेगवेगळ्या ग्रुप्समध्ये आहात आणि अशा वेगवेगळ्या ग्रुप्समध्ये चूकीची माहिती किंवा खोट्या बातम्या पसरवण्याचे काम तुम्ही करत असाल तर तुम्हाला हे प्रकार लगेचच थांबवावे लागतील. कारण चुकीच्या बातम्या पसरवणं असाही एक गुन्हा अशून व्हॉट्सअॅप कंपनीच्या पॉलिसीजच्या देखील विरोधात असल्याने पॉलिसीजचा भंग केला म्हणून तुमचं खात थेट बॅन करण्यात येईल.

वाचा: घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

APK फाईल्स डाऊनलोड करणं टाळा

एपीके फाइल्स (APK) या Android फोनवर डाउनलोड केल्या जाऊ शकतात. पण या प्रकारच्या फाइल्समध्ये मालवेअर हा व्हायरस देखील असू शकतो. बर्‍याच वेळा हे अॅप स्वतःच इतर वापरकर्त्यांना चूकीच्या लिंक पाठवू शकतात. त्यामुळे तुम्ही मुळातच एपीके फाइल्स व्हॉट्सअॅपवर डाउनलोड करणं टाळलं पाहिजे. तुम्ही असं केलं नाही आणि तुमच्यामुळे इतरांना चूकीच्या लिंक्स गेल्या तर तुमचं खातं बॅन करण्यात येईल.

वाचाः फास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

​​दुसऱ्याच्या नावाने अकाउंट तयार केल्यासही खातं होईल बॅन

जर तुम्ही दुसऱ्याच्या नावाने खाते बनवले असेल आणि कंपनीला त्याची माहिती मिळाली तर तुम्ही अडचणीत येऊ शकता. खोटी माहिती वापरुन आणि चूकीची ओळख दाखवून खातं तयार केल्यानं तुमचं खातं बॅन केलं जाऊ शकतं. तुमच्यावर कारवाई देखील होऊ शकते. तसंच तुमच्या खात्यावरुन बेकायदेशीर, अश्लील किंवा इतर कोणत्याही वापरकर्त्यासाठी कोणत्याही प्रकारच्या चूकीचे मेसेज जात असतील तरीही तुमचं खातं बॅन होईल.

वाचाः Solar Storm : सूर्यावरील मोठ्या धमाक्यानंतर पृथ्वीवरही पोहोचलं वादळ, लदाखमध्ये दिसला परिणाम

तुमच्या खात्याची अनेकांनी तक्रार केल्यासही खातं होईल बॅन

जर तुम्ही WhatsApp Delta, GBWhatsApp, WhatsApp Plus सारखे थर्ड पार्टी अॅप्स डाउनलोड केले असतील तर तुमचे मूळ WhatsApp खाते बॅन केले जाऊ शकते. तसंच वरील सर्व प्रकारातील चुका केल्या असल्यास अनेकजण तुमच्या अकाउंटबद्दल रिपोर्ट करु शकतात. जर खूप लोकांनी तुमच्या खात्याची तक्रार केली तर तुमचे व्हॉट्सअॅप खाते बॅन होऊ शकते.

​वाचाः iPhone 14 घेण्याची हीच ती वेळ, ऑनलाईनसह ऑफलाईनही मोठी सूट, तब्बल ३०,००० वाचवण्याची संधी​