Tej Police Times
म.टा. प्रतिनिधी, नागपूर
राज्यातील इंजिनीअरिंग कॉलेजांमधील प्रवेशांसाठी होणारी एमएचटी-सीईटी प्रवेश परीक्षा आज, मंगळवार ९ मेपासून सुरू होत आहे. शहरातील ११ परीक्षांकेंद्रांवर एकूण ३१ हजार ३०३ विद्यार्थी ही परीक्षा देतील.
राज्यातील इंजिनीअरिंग कॉलेजांमधील प्रवेशांसाठी होणारी एमएचटी-सीईटी प्रवेश परीक्षा आज, मंगळवार ९ मेपासून सुरू होत आहे. शहरातील ११ परीक्षांकेंद्रांवर एकूण ३१ हजार ३०३ विद्यार्थी ही परीक्षा देतील.
– राज्याच्या सीईटी सेलच्यावतीने या परीक्षेचे आयोजन करण्यात येते. जिल्हास्तरावर जिल्हाधिकारी कार्यालयाच्यावतीने या परीक्षेचे समन्वयन केले जाते.
– ९ ते १४ मेदरम्यान ही परीक्षा घेण्यात येईल. पहिले सत्र सकाळी ७.३० ते दुपारी १२ वाजतापर्यंत होईल तर दुसऱ्या सत्राची परीक्षा दुपारी १२.३० ते सायंकाळी ६.४५ वाजतापर्यंत होईल.
– दर सत्रात सुमारे २६०० विद्यार्थ्यांची परीक्षा घेण्यात येणार आहे. सीईटी परीक्षेची एकूण १२ सत्रे होतील.
– या परीक्षेसाठी सीईटी सेलने शहरात ११ परीक्षा केंद्रे निश्चित केली आहेत. या केंद्रांवर २४ केंद्रप्रमुखांचीही नियुक्ती करण्यात आली आहे.
– कम्प्युटरआधारित ही परीक्षा असल्याने विविध कॉलेजांसह खासगी संस्थांमध्येही परीक्षा केंद्रे देण्यात आली आहेत.
– ९ मेपासून सुरू होणारी परीक्षा ‘पीसीएम’ गटासाठी असून ‘पीसीबी’ गटासाठी १५ ते २० मेदरम्यान परीक्षा घेण्यात येईल. पीसीबी गटासाठीची प्रवेशपत्रे १० मेपासून उपलब्ध करून देण्यात येणार आहेत.
कागदपत्रे जवळ ठेवा
एमएचटी-सीईटी परीक्षेसाठीचे प्रवेशपत्र उमेदवारांना उपलब्ध करून देण्यात आले आहे. उमेदवारांनी सीईटी सेलच्या संकेतस्थळावरून ते डाऊनलोड करून त्याची प्रिंटआऊट घ्यावी. प्रवेशपत्रावरील परीक्षेचा दिनांक, परीक्षेची वेळ, परीक्षा केंद्राचा पत्ता तपासून घ्यावा. परीक्षाकेंद्राचे मुख्यद्वार बंद होण्यापूर्वी पोहोचावे. परीक्षेस जाताना प्रवेशपत्र सोबत घ्यावे. विद्यार्थ्यांनी आपले पॅनकार्ड, आधारकार्ड, पासपोर्ट यापैकी कोणतीही ओळखपत्रे जवळ बाळगावे. दिव्यांग उमेदवारांनी अपंगत्वाबाबतचे मूळ ओळखपत्र सोबत ठेवावे, अशा सूचना सीईटी सेलने दिल्या आहेत.