तुमच्या फोनवरील स्पॅम कॉल्सचा त्रास होणार कमी, सरकार आणणार ‘या’ खास योजना

स्पॅम कॉल्स, स्पॅम मेसेजेस यामुळे आपल्याला बऱ्याचदा त्रास सहन करावा लागतो. LocalCircles च्या सर्वेक्षणात तर असा दावा करण्यात आला आहे की, ६४% भारतीयांना दररोज ३ पेक्षा जास्तवेळा असे स्पॅम कॉल येतात. Truecaller च्या अहवालात असेही नमूद करण्यात आले आहे की भारत जगातील सर्वात स्पॅम कॉल्स येणाऱ्या देशांपैकी एक आहे. सरासरी, भारतीयांना दर महिन्याला प्रति वापरकर्ता सुमारे 17 स्पॅम कॉल तरी येतच असतात. असे देखील या अहवालात नमूद करण्यात आले आहे. दरम्यान भारतीय दूरसंचार नियामक प्राधिकरण अर्थात TRAI ने “स्पॅम कॉल समस्या” संबोधित करण्यासाठी दूरसंचार प्रदात्यांसाठी काही नवीन नियम जाहीर केले आहेत. हे नियम आता मे महिन्यापासून लागू केले गेले आहेत. TRAI च्या स्पॅम विरोधी नियमांबद्दल सविस्तर जाणून घेऊ…

AI स्पॅम फिल्टर इन्स्टॉल करणार

TRAI च्या लेटेस्ट कायद्यानुसार, दूरसंचार ऑपरेटरना आता यापुढे त्यांच्या कॉल आणि मेसेज सेवांमध्ये AI स्पॅम फिल्टर्स तैनात करावे लागणार आहेत. हा बदल वापरकर्त्यांना जवळजवळ नियमितपणे प्राप्त होणाऱ्या सर्व स्पॅम कॉलपासून संरक्षण करण्यासाठी केला जाणार आहे. AI म्हणजेच आर्टिफिशिअल इंटेलिजन्सचा फायदा आता स्पॅम कॉल रोखण्यासाठी होईल. हे AI फिल्टर वेगवेगळ्या स्पॅम कॉलर्सना शोधण्यात आणि रोखण्यात सक्षम असतील.

वाचाः मला नोकरी शोधून दे किंवा एखादा जोक सांग, ChatGPT म्हणजे ॲप्लिकेशन एक आणि फायदे अनेक

​टेलिकॉम कंपन्या AI बाबत चिंतेत

एकीकडे AI मुळे जीवन सुखकर होत असलं तरी याचे काही तोटे असल्याचंही म्हटलं जात आहे. दरम्यान त्यामुळे टेलिकॉम कंपन्याही या AI मुळे चिंतेत आहेत. या कंपन्या ग्राहकांच्या गोपनीयतेबद्दल चिंतित आहेत. अहवालात असे सुचवण्यात आले आहे की ऑपरेटर्सना सुरुवातीला AI फिल्टर्सची अंमलबजावणी करणे कठीण वाटले. त्यांना वापरकर्त्याच्या गोपनीयतेची काळजी होती.

​वाचाः Smartphone Photography : फोन ‘स्वस्त’ पण फोटो येतील ‘मस्त’, फक्त ‘या’ सोप्या टीप्स करा फॉलो!

​एअरटेल, जिओ एआय फिल्टर्स तैनात करण्यास तयार

भारतात सध्या एअरटेल आणि जिओ या दोन कंपन्यांचे ग्राहक अधिक असल्याचं दिसत आहे. कारण या दोघांनी ५जी सेवाही सुरु केली आहे. दरम्यान आता हे एआय फिल्टर्स तैनात करण्यास देखील एअरटेल आणि जिओ तयार आहेत. जिओ या नवीन फिल्टर्सवर काम करत आहे आणि लवकरच सेवा सुरू करेल अशी अपेक्षा आहे. दरम्यान, एअरटेलने आपल्या सेवांमध्ये हे अँटी-स्पॅम कॉलिंग फिल्टर तैनात करण्याची घोषणा केली आहे.

​वाचाः हवामानात बदल होताच AC च्या किंमतीत घसरण, ६० हजाराचा Lloyd 1.5 टन स्पिलिट एसी २७ हजारात

वोडाफोन-आयडिया आणि बीएसएनएलची नो कमेंट

एकीकडे जिओ आणि एअरटेल या दोन्ही कंपन्यांनी AI स्पॅम फिल्टर्सला हिरवा झेंडा दाखवला असताना बीएसएनएल आणि व्होडाफोन आयडिया या दोन्ही कंपन्यांनी अद्याप या सर्वावर काहीही टिप्पणी केलेली नाही. BSNL, Vodafone Idea सारख्या इतर दोन मुख्य दूरसंचार प्रदात्यांनी याला मंजुरी दिली नसल्याने अजूनही ही टेक्निक संभ्रमात आहे.

​वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोट
​

१० अंकी नंबरवरुन आता नो स्पॅम कॉल्स

दहा अंकी मोबाइल नंबरवर कोणतेही असे स्पॅम किंवा प्रमोशनल कॉल्स आता येणार नाहीत. कारण TRAI ने
स्पॅमर्स वारंवार दहा अंकी मोबाइल नंबरवर त्यांचे प्रचारात्मक कॉल करत असल्याने हा नियम करत आहे. ट्रायने दूरसंचार कंपन्यांना हे कॉल पूर्णपणे बंद करण्याचे आदेश दिले आहेत.

​वाचा : आनंदाची बातमी! आता प्रत्येक फोनमध्ये FM Radio मिळणार, सरकारचे कंपन्यांना आदेश