‘द केरला स्टोरी’चं कडवं आव्हान, तरीही ‘महाराष्ट्र शाहीर’, बलोच’ची बॉक्स ऑफिसवर घसघशीत कमाई

मराठ्यांची विजयाची गाथा सांगणारा बलोच हा चित्रपट ५ मे रोजी प्रदर्शित झाला. प्रवीण तरडे, स्मिता गोंदकर, अशोक समर्थ यांसारख्या उत्कृष्ट अभिनेत्यांच्या अभिनयाने सजलेला आणि मराठ्यांचा झेंडा खऱ्या अर्थाने अटकेपार लावणाऱ्या ‘बलोच’ साठी ३ कोटींचा खर्च झाला असल्याचं सांगण्यात येतं. ३ कोटींचं निर्मिती मूल्य असलेला हा चित्रपट पहिल्या दिवशी १२ कोटींची कमाई करण्यात यशस्वी ठरला. दुसऱ्या दिवशी शनिवारी २५ लाखांची कमाई करत चित्रपटाने प्रेक्षकांचा चांगला प्रतिसाद मिळवला. तर रविवारी ४० लाखांची भरघोस कमाई करत केवळ तीन दिवसात चित्रपटाने तिकीट बारीवर ७७ लाखांचा गल्ला जमवलेला पाहायला मिळाला. ‘महाराष्ट्र शाहीर’ हाही चित्रपट दुसऱ्या आठवड्यात प्रेक्षकांचा चांगला प्रतिसाद मिळवत आहे. गेल्या आठवड्यात चित्रपटाने तीन कोटींचा गल्ला जमवला होता. या आठवड्यात थोडा थंड प्रतिसाद मिळत असला तरी तिकीट बारीवर या चित्रपटाने लाखोंची उलाढाल केलेली पाहायला मिळतेय.

सिनेविश्लेषकांच्या अंदाजानुसार ‘बलोच’ ६ ते ७ कोटींचा टप्पा गाठण्यात यशस्वी होऊ शकेल तर ‘महाराष्ट्र शाहीर’ देखील ८ कोटींपर्यंत मजल मारू शकतो असा त्यांचा अंदाज आहे. मात्र मराठी चित्रपट अजूनही इतरांना टक्कर देतोय हे नक्की.
आई कुठे काय करते’मध्ये लोकप्रिय अभिनेत्रीची एंट्री; गाजवलीये ‘तारक मेहता…’ मालिका