Google Pixel 7a कि Pixel 7 कोणता गुगलचा स्मार्टफोन आहे बेस्ट? वाचा प्रत्येक पॉईंटबद्दल सविस्तर

Google Pixel 7a vs Pixel 7: गुगल कंपनीचा Google I/O 2023 डेवलपर इवेंट नुकताच पार पडला. या कार्यक्रमात कंपनीने AI तंत्रज्ञानासंबधी बऱ्याच घोषणा केल्या, याशिवाय कंपनीने बरेच नवनवीन प्रोडक्टस देखील यावेळी लाँच केले. यावेळी Google Pixel 7a ला Google च्या A-सीरीज अंतर्गत लाँच करण्यात आलं आहे.लुकमध्ये अगदी Google Pixel 7 सारखा दिसणारा हा फोन फीचर्समध्ये अधिक खास आहे. लेटेस्ट Pixel 7a स्मार्टफोन हार्डवेअर आणि सॉफ्टवेअर अशा दोन्हीमध्ये अपग्रेडेड आहे. दरम्यान Google Pixel 7a स्मार्टफोन देशात ३९,९९९ रुपयांना खरेदीसाठी उपलब्ध करण्यात आला आहे. तर Google Pixel 7A आणि Pixel 7 या दोन्ही स्मार्टफोनमध्ये नेमका काय फरक आहे आणि याचे फीचर्स काय आहेत? हे सविस्तर जाणून घेऊ…

Google Pixel 7a vs Pixel 7 (डिझाइन)

सर्वप्रथम, या दोन्ही मॉडेल्सच्या डिझाईनबद्दल जाणून घेऊ. Google Pixel 7a हा लुकमध्ये Pixel 7 सारखा दिसतो. पण दोघांमध्ये काही फरक नक्कीच आहेत. Pixel 7 स्मार्टफोन ग्लास बॅक पॅनलसह येतो तर Pixel 7a प्लास्टिक बॅक पॅनलसह लॉन्च करण्यात आला आहे. Pixel 7 स्मार्टफोन वॉटर आणि डस्ट रेझिस्टन्ससाठी IP68 रेटिंग देण्यात आली आहे. त्याच वेळी, Pixel 7A स्मार्टफोन IP67 रेटिंगसह येतो.

​वाचाः अबब! 200MP कॅमेरा, 1TB स्टोरेज, डिस्प्लेसह डिझाइनही दमदार, Realme 11 सिरीजमधील फोन लाँच

Google Pixel 7a vs Pixel 7 (डिस्प्ले)

तर गुगलच्या या Pixel 7 मालिकेतील हे दोन्ही स्मार्टफोन दिसायला सारखे असले तरी त्यांच्या डिस्प्लेमध्ये मोठा फरक आहे. Pixel 7a आणि Pixel 7 स्मार्टफोनमध्ये 90 Hz AMOLED स्क्रीन आहे. Pixel 7 मध्ये 6.3-इंच डिस्प्ले आहे तर Pixel 7A मध्ये 6.1-इंच स्क्रीन आहे. जर तुम्हाला कॉम्पॅक्ट फोन आवडत असतील तर Pixel 7A हा योग्य पर्याय असेल.

​वाचाः Google Pixel 7a लाँच होताच Pixel 6a झाला स्वस्त, तब्बल १७,००० हून अधिकची सूट

​Google Pixel 7a vs Pixel 7 (कॅमेरा)

आता या दोन्ही फोनच्या कॅमेऱ्याचा विचार केला तर Pixel 7A आणि Pixel 7 स्मार्टफोन्समध्ये कॅमेरा डिझाइन समान आहे. Pixel 7 हँडसेटमध्ये ५० मेगापिक्सलचा प्रायमरी वाइड-अँगल आणि १२ मेगापिक्सेलचा अल्ट्रा-वाइड कॅमेरा सेटअप आहे. सेल्फी आणि व्हिडिओ कॉलिंगसाठी हँडसेटमध्ये १०.८ मेगापिक्सलचा फ्रंट कॅमेरा आहे. तर Pixel 7A मध्ये ६४ मेगापिक्सल वाइड-अँगल लेन्स आहे. सेल्फी आणि व्हिडिओ कॉलिंगसाठी १३ मेगापिक्सलचा अल्ट्रा-वाइड कॅमेरा देण्यात आला आहे. पिक्सेल सिरीजच्या या दोन्ही स्मार्टफोन्समधून 4K रेझोल्यूशनपर्यंत व्हिडिओ रेकॉर्ड केले जाऊ शकतात.

वाचा : Google Pixel 7a भारतात लाँच, पहिल्या सेलमध्ये मिळणार ४ हजाराचा थेट डिस्काउंट​

​Google Pixel 7a vs Pixel 7 (प्रोसेसर, रॅम)

Google Pixel 7a आणि ​Pixel मधील इतर फीचर्सचा विचार केल्यास Pixel 7A आणि Pixel 7 दोन्ही स्मार्टफोन्समध्ये Tensor G2 चिपसेट, 8 GB रॅम आणि 128 GB इनबिल्ट स्टोरेज सारखी वैशिष्ट्ये देण्यात आली आहेत. हे दोन्ही फोन एकाच नॅनो सिम कार्ड स्लॉटसह येतात आणि eSIM ला सपोर्ट करतात.

​वाचा : Battery Saver : फोनची बॅटरी सारखी संपतेय? चार्जिंग वाचवण्यासाठी या ६ टिप्स करा फॉलो

Google Pixel 7a vs Pixel 7 (बॅटरी आणि चार्ज)

Google Pixel 7a आणि Pixel7 या दोन्हीच्या बॅटरी आणि चार्जिंगचा विचार केला तर दोन्हीमध्ये 4300mAh ची बॅटरी देण्यात आली आहे. हे स्मार्टफोन वायर्ड आणि वायरलेस चार्जिंगला सपोर्ट करतात. Pixel 7 स्मार्टफोनला 20W वायर्ड आणि वायरलेस चार्जिंग मिळते. हा फोन 7.5W रिव्हर्स वायरलेस चार्जिंगला सपोर्ट करतो. त्याच वेळी, Pixel 7A स्मार्टफोन 18W वायरलेस चार्जिंग सपोर्टसह येतो परंतु रिव्हर्स चार्जिंग सपोर्ट करत नाही.

​वाचा : मला नोकरी शोधून दे किंवा एखादा जोक सांग, ChatGPT म्हणजे ॲप्लिकेशन एक आणि फायदे अनेक

​Google Pixel 7a vs Pixel 7 (किंमत)

आता फायनली या दोन्ही फोन्सच्या किंमतीचा विचार केला तर Google Pixel 7 स्मार्टफोनची किंमत ४९,९९९ रुपये आहे. जी Pixel 7A पेक्षा सुमारे १०,००० रुपयांनी अधिक आहे. एकंदरीत कम्पेरिजनचा विचार केला तर Pixel 7 मध्ये मोठा डिस्प्ले, चांगली बिल्ड गुणवत्ता आणि IP68 रेटिंग सारखी वैशिष्ट्ये आहेत. त्याच वेळी, स्वस्त असूनही, या सर्व गोष्टी Pixel 7A मध्ये उपलब्ध आहेत आणि ते अधिक कॉम्पॅक्ट देखील आहे. त्यामुळे Pixel 7A एक चांगला पर्याय ठरु शकतो.

​वाचाः ChatGPT की मानवी मेंदू, कोण जास्त तल्लख? इन्फोसिसच्या नारायण मूर्ती यांचं मोठं विधान

सर्व स्पेसिफिकेशन्स पाहा