IPL 2023 च्या रंगतदार सामन्यांचा अनलिमिटेड आनंद, Jio Cricket Plan मध्ये दरदिवसाला 3GB डेटासह अनलिमिटेड कॉलिंगही

नवी दिल्ली : Reliance Jio 999 rs Plan: सध्या आयपीएल २०२३ चे सामने सुरु असून सर्व क्रिकेटप्रेमी याचा आनंद घेत आहेत. विशेष म्हणजे यंदा जिओने आपल्या जिओ सिनेमा अॅपवर सर्वांसाठी हे सामने मोफत लाईव्ह स्ट्रीम ठेवल्याने सर्वचजण आनंदी आहे. अशामध्ये रिलायन्स जिओने आपल्या ग्राहकांना आणखी आनंदी करण्या करता खास Jio Cricket Plan ही आनला आहे. ज्यामध्ये ९९९ रुपयांच्या प्लानमध्ये दररोज ३जीबी डेटा मिळणार आहे. तर या जिओच्या क्रिकेट प्लानबद्दल सविस्तर जाणून घेऊया…

रिलायन्स जिओ क्रिकेट प्लान ९९९ रुपयांना
रिलायन्स जिओच्या ९९९ रुपयांच्या या प्लानची वैधता ८४ दिवसांची आहे. या प्लानमध्ये दररोज एकूण ३ जीबी डेटा मिळतो. म्हणजेच, Jio ग्राहक या प्लानमध्ये एकूण 292 GB 4G डेटाचा वापर करू शकतात. दैनंदिन डेटा मर्यादा संपल्यानंतर वेग 64Kbps पर्यंत कमी होतो. रिलायन्स जिओच्या या प्लानमध्ये अनलिमिटेड व्हॉईस कॉल्स उपलब्ध आहेत. म्हणजेच, ग्राहक देशभरात अमर्यादित लोकल आणि एसटीडी व्हॉईस कॉल करू शकतात. या रिचार्ज पॅकमध्ये दररोज १०० एसएमएस ऑफर केले जातात. रिलायन्स जिओ ग्राहकांना JioTV, JioCinema, JioSecurity आणि JioCloud चे मोफत सबस्क्रिप्शन देखील देत आहे. तसंच 5G नेटवर्क वापरणारे ग्राहक अमर्यादित 5G इंटरनेट वापरू शकतात.

वाचा : Battery Saver : फोनची बॅटरी सारखी संपतेय? चार्जिंग वाचवण्यासाठी या ६ टिप्स करा फॉलो

याशिवाय रिलायन्स जिओकडे ३९९ रुपयांचा जिओ क्रिकेट प्लॅन आहे. या प्लानमध्ये दररोज ३ जीबी डेटा मिळतो. म्हणजेच ग्राहक एकूण 90 GB डेटाचा लाभ घेऊ शकतात. या पॅकची वैधता मात्र २८ दिवस इतकीच आहे. या प्लानमध्ये ग्राहकांना अनलिमिटेड व्हॉईस कॉल्स आणि दररोज १०० एसएमएस मोफत उपलब्ध आहेत. यातही JioTV, JioCinema, JioSecurity, JioCloud चे सबस्क्रिप्शनही मोफत मिळत आहे.

वाचाः Google Pixel 7a लाँच होताच Pixel 6a झाला स्वस्त, तब्बल १७,००० हून अधिकची सूट